Válljejuvvui várrepresideantan

Guovdageaidnulaš Johan Mathis Gaup válljejuvvui várrepresideantan Norgga Mohtorsportalihttui (Norges Motorsportforbund)

OVDDASTEADDJI SÁMIS: Maŋŋel jienasteami válljejuvvui Johan Mathis Gaup Guovdageainnu Mohtorklubbas skohtersuorggi ođđa várrepresideantan ođđa lihttostivrii.  

Mannan vahkkoloahppa doalai Norgga Mohtorsportalihttu lihttodikki, dahje riikkačoahkkima, gos presideantta ja várrepresideantta válljen lei okta deháleamos áššiin.

Maŋŋel jienasteami válljejuvvui Johan Mathis Gaup Guovdageainnu Mohtorklubbas skohtersuorggi ođđa várrepresideantan ođđa lihttostivrii. Emilie Westby oaččui ođđa luohttámuša presideantan.

VÁRREPRESIDEANTA: Johan Mathis Gaup. Priváhtta govva. 

Norgga Mohtorsportalihttu lea máŋggabealatvaláštallama lihttu mii gullá NIF vuollái ja maiddái olympialaš ja paraolympialaš lávdegoddái, mii organisere mohtorvaláštallama Norggas. Lihtus leat 4 sekšuvnna mas leat doaimmat fatnasiin, rádiostivrejuvvon biillain, mohtorsihkkeliin ja muohtaskohteriin. Lihtus leat 37.000 miellahttu.

ÁIMMAHUŠŠAT BUOT SURGGIID

Johan Mathis Gaup, gii maiddái čállá áššiid SÁMi ođasmagasiidnii, doaibmá suorggijođiheaddjin skohtersekšuvnnas, muhto dál galgá ovddastit lihttu buot surggiid lihtustivrras, juoga masa son illuda sákka.

– Lea hui buorre dovdu go lea ožžon luohttámuša miellahtuin jienasteamis veterána vuostá. Mis lea dál gievrras mandáhta joatkit buriin bargguin mainna leat jođus strategiijaplána ektui, mo galgat ovdánahttit norgga mohtorvaláštallama. Ollu mii galgá ain dahkot, ja lea buorre oažžut servviid doarjaga go galgat bargat strategiijan ovddos guvlui, dadjá Gaup 

Lihttu jođihuvvon ovtta presideantan ja njeljiin várrepresideanttain iešguđet sekšuvnnain ja ovttain nuoraidovddasteddjiin.

Čále cealkámuša

Your email address will not be published. Required fields are marked *