Helsinki Govva: Alexandr Bormotin
Juos Riikkabeaivvit dohkkehit evttohusa, de eai oaččo suopmelaččat Helssega guovlluin ja Turkus lobi mannat olggos ruovttuineaset – earret muhtimat geat ožžot spiehkastit gildosis. Šaddá maid bággu geavahit njálbmesuoji.
RÁDDJET JOAVDELAS OVTTASTALLAMA
Ulbmil lea ráddjet olbmuid joavdelas sosiála oktavuođaid ja hehttet koronavirusa leavvama, dadjá stáhtaministtar Sanna Marin Yle ođđasiidda.
Ráđđehusbellodagat leat digaštallan ášši máŋga beaivvi, ja gaskavahku buvttii ráđđehus ovdan láhkaevttohusa. Juos ođđa láhka mearriduvvo, de ferte dat ođasmahttojuvvot juohke goalmmát vahkus. Dat ii galgga sáhttit gustot guhkit go miessemánu 14. rádjai.
BADJEL 9000 NJOAMMUMA GIESKAT
Suomas leat logahallojuvvon 9 183 njoammuma maŋimuš guovtti vahkus, dieđihit riikka dearvvasvuohtaeiseválddit.
(©NTB)