Sámediggeráđđi juolluda miljondoarjaga boazodollui heahtedilis

Preassadieđáhusas: Sámediggeráđđi juolluda 1.275 000 ru giđđajohtindoarjaga boazodoalloealáhussii. Guohtunroasu geažil leat bohccot heajubut go dábálaš ja olu bohccot eai gierdda johtit dálveorohagas geasseorohahkii. Sámediggeráđđi juolluda danne badjelaš 1,2 miljon ruvdnosaš doarjaga fievrrádusortnegiidda mat geahpedit bohccuid ja ealáhusa noađi, dadjá sámediggeráđđi Silje Karine Muotka. Sámediggeráđđi oaivvilda ahte šiehtadallanbealit ja hálddašeapmi dahke riekta go ekonomalaččat nannosit dorjo …

Preassadieđáhusas: Sámediggeráđđi juolluda 1.275 000 ru giđđajohtindoarjaga boazodoalloealáhussii. Guohtunroasu geažil leat bohccot heajubut go dábálaš ja olu bohccot eai gierdda johtit dálveorohagas geasseorohahkii. Sámediggeráđđi juolluda danne badjelaš 1,2 miljon ruvdnosaš doarjaga fievrrádusortnegiidda mat geahpedit bohccuid ja ealáhusa noađi, dadjá sámediggeráđđi Silje Karine Muotka. Sámediggeráđđi oaivvilda ahte šiehtadallanbealit ja hálddašeapmi dahke riekta go ekonomalaččat nannosit dorjo fuođđariid doalvuma.  Dál leat ain hástalusat giđđajohtimiin ja boazodoallit bággejuvvojit fievrridit ealuideaset guorbmebiillaiguin eastadan dihte jápmima ja várjalan dihte bohccuid vuoimmi, dál ovdal guottetáiggi. -Danne juolluda sámediggeráđđi dál ohcama vuođul doarjaga oktasašdoaibmabidjui veahkkin fievrridit bohccuid doppe gos lea dárbu, dadja sámediggeráđi lahttu Silje Karine Muotka. Sámediggeráđđi juolluda Norgga Boazosápmelaččaid Riikkasearvái (NBR)  1 275 000 ruvdnosaš heahteveahki boazodoalloealáhusa várás, mas 975.000 ru manná Finnmárkui, ja 300.000 ru manná ortnegiidda muđui riikkas.  Ortnega hálddaša Finnmárkku fylkkamánni. Doarjaga várás boazodollui olggobealde Finnmárkku áigu Sámediggi ovttasráđiid NBR:in ja fylkkamánniiguin gávnnahit čovdosa. Olu muohttaga ja lássejuvvon guohtuma dihte lea ealáhat vearáskan olu báikkiin Davvi-Norggas.  Boazodoallit leat guhkit áiggi ferten biebmat bohccuid vai bohccot eai dárbbat gillát ja jáme nealgái. Dakkár earenoamáš váttis dilis lea hui dehálaš ahte giđđajohtin manná nu njuovžilit go vejolaš bohccuide. Danne oaivvildit boazodoallit ahte ferte fievrridit bohccuid guorbmebiillaiguin geasseorohahkii, loahpaha Muotka, gii deattuha ahte lagas gulahallan eará oasálaččaiguin dán áššis mielddisbuvttii ahte lea vejolaš juolludat dakkár earenomáš doarjaga.

 

Čále cealkámuša

Your email address will not be published. Required fields are marked *