‘O Sole Trio – buolašbeaivváš áitalastá

Lea guovvamánu gaskkamuddu ja Guovdageainnus badjána beaivváš 26 galbmaceahki buolašin ja áitalastá. Áitalasttedettiin leaba beaivváža goabbat bealde biigá ja reaŋga, geat veahkeheaba isitbeaivváža báitit.

Beaivváža áitalastin čilgejuvvo optihkalaš albmoneapmin, mii šaddá go beaivváš deaivá ja reflektere smávva jiekŋakristállaid bajit troposfearas. Troposfeara lea eatnama atmosfeara vuolimus geardi.

Go beaivváš áitalastá, de leat buorádatbalvvat ja čuovga- ja ivdnegeavli beaivváža birra. Maiddái mánnu áitalastá.

Sámi árbedieđu mielde lei áitalastin dálkemearka, mii muitala ahte bohtet ruvvašat ja ruosti buollašat ovddos guvlui.

Govvejeaddji: Johan Mathis Gaup

Čále cealkámuša

Your email address will not be published. Required fields are marked *