Mediabearráigeahčču áigu nannet sámi mediafálaldaga: Evttohit rievdadusaid

Mediabearráigeahčču evttoha ahte doarjja sámi áviissaide šaddá neutrála geavahanvuođu ektui ja láktit sierra doarjaga davvisámi áššiid buvttadeapmái doarjjaortnegii.

Mediebearráigeahčču evttoha ahte sámi áviissaid doarjjaortnet šaddá luovveneutrála ja lasihit doarjaga ollásit 5,2 miljovnna ruvnnuin.  Šearbmagovva

– Mihtti lea nannet mediemáŋggabealátvuođa ja journalistihka njulgejuvvon sámi álbmogii, cealká Mediebearráigeahču direktevra, Mari Velsand.

– Mihttu lea nannet mediamáŋggabealatvuođa ja journalistihka sámi álbmogii, cealká Mediabearráigeahču direktevra, Mari Velsand.

Sámi áviissaid doarjjaortnega rievdadusaid evttohusat lea fárus mediadoarjaga čielggadeamis man Mediabearráigeahčču lea ráhkadan Kulturdepartemeantta gohččuma vuođul. Čielggadeapmi galgá leat oassin vuođus go Stuoradiggi galgá mearridit njealje jagáš stivrensignálaid dan njuolgga mediadoarjaga ovddas áigodahkii 2023 – 2026.

EVTTOHIT RIEVDADUSAID

Mediabearráigeahčču evttoha ahte doarjjaortnet šaddá geavahanvuođu neutrála.  

Oassin čielggadeamis lea Mediabearráigeahčču árvvoštallan dálá doarjjaortnegiid. Sámi ortnega árvvoštallan čájeha ahte dat sihke deaivá bures ja mihttomearit olahuvvojit.

Mediabearráigeahčču árvvoštallá ahte dat geat leat ožžon doarjaga, leat mielde láhčime dili demokráhtalaš digaštallamii, oaivilhábmemii ja giellaovdáneapmái sámi servodagas. Lihkká evttohuvvojit muhtin rievdadusat.

– Dál sáhttet dušše báberáviissat oažžut doarjaga, ja dainna lágiin ii speadjalastte ortnet dan digitála mediaovdáneami. Mii evttohit dan dihte ahte doarjja šaddá neutrála geavahanvuođu ektui, cealká Mari Velsand, Mediabearráigeahču direktevra.   

EVTTOHIT JUOGADIT

Mediabearráigeahčču evt-

toha maiddai ahte sámi media buvttadandoarjja juogaduvvo gaskkal guovtti kategoriija vuostáiváldiid – okta kategoriija hárve frekveanta mediaid váste (vahkkoáviissat ja moatti beaivve áviissat) ja okta kategoriija dávjá frekveanta mediaid váste (beaiveáviissat). 

– Rievdadus sihkkarastá ahte mediat mat almmuhit ollu ja dássedit redakšunealla sisdoalu ožžot eanemus doarjaga. Dákkár juogus addá maiddai buoret máhtu plánet ovddasguvlui beaiveáviissaide go ođđa moatti beaivve áviissat eai boađe seammá doarjjakategoriija sisa, dadjá Velsand.  

Mediabearráigeahčču áigu láktit journalisttalaš sisdoalu davvisámegiela ortnegii.  

Čále cealkámuša

Your email address will not be published. Required fields are marked *