Liinniid áimmahuššan

Inga Maybritt Bongo rávve movt liinni dikšut ja doallat čáppisin. Sus leat olu buori rávvagat ja ovdánbuktá iežas fitnodaga Facebook-siiddus IMBB duodji ja instagramsiiddus imbbduodji.

1. Lebbe liinni liktenbeavddi ala, duogabealli bajás.

2. Cirggut vuoktaávdnasa (spray) čuolmmaid duogábeallái, dat dagaha ahte čuolmmat bissot buorebut. NB: jus it liiko vuoktaávdnasa atnit, de ane liktenávdnasa (strykestivelse). 

3-6. Cirggut čáziin riesaldagaid ja gálge daid njuolga. Bija livskku riesaldagaid ala ja likte daid (dušše riesaldagaid, ii fal čuolmmaid). Daga justte seamma ládje nuppe bealde, ja de joatkkát. 

7-8. Bija liinni gitta liktenbeavddi ravdii, rievttes guvlui, nu ahte riesaldagat heaŋgájit iežat guvlui. Čuohpa riesaldagaid dan guhkkodahkii go ieš háliidat. Daga seammá nuppe bealde ovdal go joatkkát.

9. Loahpas lebbet liinni nu ahte čiehka heaŋgá iežat guvlui, ja čuohpat riesaldagaid čiegas vuoi šaddet njuolga. 

10. Gárvves liidni:

Liinniid ferte áimmahuššat vai bissot fiinnisin. Čuolmmat sáhttet beasadišgoahtit, vaikko leat liibmejuvvon ja cirgguhuvvon. Dalle berre daidda ain muhtomin ođđasit cirgguhit liktenávdnasa, gálget, liktet jna. vuoi eai oalát billahuva.

NB: sáhtát atnit liktenruovddi, mii lea vuovttaide heivehuvvon, jus lea hoahppu dahje jus áiggut jođánit njulgestit riesaldagaid. 

Leave a Reply

Your email address will not be published. Required fields are marked *