– Leago lohpi dadjat galbma vuola?

GEASSESÁGASTALLAN

Namma: Siri Mehus

Ahki: 27 jagi

Eret: Hámmárfeasttas

Virgi: Vuodjinoahpaheaddji

Maid lávet geasset bargat?

Geasset mun láven olu leat meahcis, barttas ja olu mátkkoštit

Maid lávet muđui bargat?

Dábálaččat mun lean álo barggus, dahje hárjehallamin. Ja dieđusge dábálaš diŋggat nu go boradit, oađđit ja nie, haha!

Leat go dus makkárge erenomáš plánat dán geasi?

Dán geasi mun lean vuolgime Københámmanii Metallica konsertii, ja Osloi Pink konsertii. Muđui lean jurddašan fitnat lieggariikkas, dahje áiggun váccášit Sállanis. Ferten oaidnit vuos makkár dálkkit mis leat dáppe davvin, ovdal dieđan plánegoahtit.

Buoremus geassemuitu?

Geassemuitu maid buoremusat muittán lea go ledjen fanas- ja orrubiilla mátkkis Lofuohtas, ja dalle lei nu báhkka. Badjel 25 lieggaceahkki juohke beaivvi. Dan mun muittán hui bures.  

Buoremus geassetipsa?

Páhkke njalgga borramušaid ja ovtta buori girjji sehkkii, ja mana vázzit muhttin fiinna báikái. Mun liikon ieš nu gullon “Topp-tuvrraide”.

Favorihtta bivttas geasset?

Eeee… Ullosuohkuid hága it birge gal dáppe geasset, idjii sáhttá leat oalle čoaskkis!

Vállje ovtta diŋgga  man haga it birge geasset

Leago lohpi dadjat galbma vuola? Na galbma vuola haga in birge geasset, haha!

Joatkke cealkaga: Geassi munnje lea:

Geassi munnje lea friddja, luondu, vuoiŋŋastit. Geasset ii galgga geahččat diibmui dahje dáhtonii.

Leave a Reply

Your email address will not be published. Required fields are marked *