Fálesnuori 150 jagi ávvudeapmi

Dán jagi ávvuda Fálesnuori suohkan 150 jagi. Ávvudemiin áigot čalmmustahttit unna gilážiid, go dál ovttastahttojuvvo Fálesnuorri Hámmárfeasta gielddain.

Ulf-Terje Eliassen, gii jođiha ávvudanlávdegotti, sávvá olugiid boahtit Fálesnuorrái suoidnemánu 6. beaivve. Son muitala iežaset ožžon sihke báikkálaš, riikkadási ja olgoriikka artisttaid boahtit čuojahit dán eahkeda.

– Mun háliidan ahte ávvufeasta geasuha olbmuid deike, muitala Eliassen.

Lávddis čuojahit Rolffa ja Italobrothers, ja guokte báikkálaš artistta vel, Tara Markussen ja Moods. Eliassen lohká šaddat somá go Italobrothers čuojahit, go joavku lea nu beakkán miehtá máilmmi.

Fálesnuoris leat olu dáhpáhusat dán vahkkoloahpa. Lágiduvvo earret eará lea workshop, mas olbmot besset oahppat duoji birra, ja mo coggat gávtti. Jáhkovuona mearrasámi musea lea rabas, ja buot gilážiin dáhpáhuvvá juoga.

– Doaluin leat doaimmat buohkaide: mánáide, nuoraide ja ollesolbmuide. Doalut leat heivehuvvon buohkaide geain lea gullevašvuohta Fálesnuorrái ja birrasii, lohká Eliassen ja joatká: – Sávan dieđusge ahte olbmot servet eará doaimmaide maid, eai ge dušše boađe ávvufestii.

Leave a Reply

Your email address will not be published. Required fields are marked *