Baján čeargu skábman

Amoc ja Ailu Valle single, Horagállis, almmustuvvá gaskaija 30.12. Rap-musihka ustibiidda šaddá fiinna ođđajagiávvudeapmi sámegielat rap-násttiid searvvis. Horagállis mearkkaša davvisámegillii bajána ipmila. – Anáraččaid bassi Äijih suolu lea jahkelogiid áigge gutnehuhttojuvvon tur-
istačuozáhahkan. Bihttá speadjalastá Äijih buđđosan suhtu, artisttat muitaleaba. Anárjávrri Äijih suolu lea čakčat giddejuvvon turisttain ja beassá leat dál ráfis.

”Horagállis” Music video shoot. (c) Ville-Riiko Fofonoff.

Artisttain lea boahtimin boahtte jagi album, mii lea máilmmi vuosttamus olles skearru guhkkosašmusihkalaš duodji guovtti sámegillii, anaráš- ja davvisámegillii. Horagállis lea skearru vuosttassingle.

-Horagállisa refreaŋŋa lea duođaštus das, ahte anárašgiella ja davvisámegiella čudjet bures oktii, Ailu lohká.

”Horagállis” Music video shoot. (c) Ville-Riiko Fofonoff.

-Refreaŋŋa ii leat dušše guokte rappara vurrolágaid, muhto baicce ovttalaš muitalus, joatká Amoc.

Bihtá vearssat leat persovnnalabbot, go maid guldaleaddjit leat dáid artisttain hárjánan gullat.

Bihtá lea buvttadan riikkaidgaskasaččatge beaggán buvttadeaddji Juan Muteniac, guhte lea dovddus ee. amerihkálaš Army of the Pharaohsiin ja suopmelaš Asain dahkkon ovttasbarggus. Olggosaddindoaibmá ođđa sápmelaš buvttadanfitnodat Uksi Productions. Bihtá musihkkavideo almmustahttojuvvo seamma beaivve Amoc YouTube -kanálas ja artisttaid somekonttuin. Musihkkavideo lea govven ja čuohppan nuortalaš Ville-Riiko Fofonoff. Bihtá olggošgova lea ráhkadan Robin Francett.

Amoc dahjege Mikkâl Morottaja lea 35-jahkásaš anáraš rap-artista, doaimmaheaddji ja mediasuorggi ámmátolmmoš. Son lea ráhkadan rap-musihka anárašgillii badjel 20 jagi ja su vuosttas album Amok-kaččâm almmustahttojuvvui jagis 2007. Ailu Valle lea 35-jahkásaš rap-artista Anáris, guhte rappe davvisáme-, suoma- ja eaŋgasgillii. Son lea almmustahttán golbma soloalbuma davvisámegillii, ”Dušši dušše duššat” (2012), ”7” (2015) ja ”Viidon sieiddit” (2019). Valle oaččui Mánáidkultuvrra Stáhtabálkkašumi jagis 2019, man mieđihii Taike, ja Jagi buoremus bihtáčálli bálkkašumi, man mieđihii Sámi Music Awards ja Norgga TONO jagis 2020.

Čále cealkámuša

Your email address will not be published. Required fields are marked *