Bievladolla – Sámi magasiidna

Bievladolla

Áilen Nigá Máhtte – Mathis N. Eira lea bievladollaolmmoš. Son lea Jergulis eret ja ássá Kárášjogas. Son gullá Skoahtanjárgga orohahkii. Máhtte oahpahii midjiide diibmá, mii lea sámi dolastaddankultuvra. Dát lei oassin Deanu joatkkaskuvlla prošeavttas “Sámi máhtolašvuohta eanandoalus ja meahcásteamis”. Oahpahusii mii bisttii olles skuvlla-
jagi, oasálaste Deanu sámeskuvla, sámi mánáidgárddit Deanus ja joatkkaskuvlla oahppit.

Son oahpahii, mii lea dálvedolla ja stohkkedolla giđđadálvve. Dasto, mat leat giđđa- ja geassedolat. Ja vel mii lea čakčadolla.

Áilen Nigá Máhtte

Čálli: Jorunn Eikjok – Govat: Ola Røe

Áilen Nigá Máhtte dadjá ná:“Dolas leat golbma mearkkašumi. Dat lea liekkas. Lea maid hui guoibmái. Dollagáttis beasat vuoiŋŋastit, smiehtadit ja geahčadit. Dolla addá maid sieluráfi. Jos hálidat ahte earát galget oaidnit du, de bidjal dola vai oidnet suova.

**Stohkit eai buole guhká. Dat lea liegga dolla. Dat ii atte nu olu čuovgga.**
**Muhto giđđa-dálvve han lea jo čuovgat**

Bievlan ráhkadat dieđus stohkkedola. Stohkki lea soahkemuorra. Dat lea issoras buorre boaldámuš.

**Go lea dan muttos goikkis, de lea olu buoret go soarvi. Dat dat lea ge, ahte galgá johtitlit buollát, vai káffegievdni dulde**

Stohkis lea beassi ja bárku, mii goiká olggobeallái. Ja nu goiká muorra maid siskkobealde. Go dearpala, dat galgá doddjot. Stohkki lea bajábealde muohttaga ja ceaggut.