Čakčadolla

Áilen Nigá Máhtte – Mathis N. Eira lea badjolmmoš. Son lea Jergulis eret ja ássá Kárášjogas. Son gullá Skoahtanjárgga orohahkii. Máhtte oahpahii midjiide diibmá, mii lea sámi dolastaddankultuvra. Dát lei oassi Deanu joatkkaskuvlla prošeavttas “Sámi máhtolašvuohta eanan-
doalus ja meahcásteamis”. Oahpahussii mii bisttii olles skuvlajagi, oasálaste Deanu sáme-
skuvla, sámi mánáidgárddit Deanus ja joatkkaskuvlla oahppit.Son oahpahii, mii lea dálvedolla ja stohkkedolla giđđa-dálvve. Dasto, mat leat giđđa- ja geassedolat. Ja vel mii lea čákčadolla.

Áilen Nigá Máhtte

Čálli: Jorunn Eikjok – Govat: Ola Røe

Áilen Nigá Máhtte dadjá ná:“Dolas leat golbma mearkka-šumi. Dat lea liekkas. Lea maid hui guoibmái. Dollagáttis beasat vuoiŋŋastit, smiehtadit ja geahčadit. Dolla addá maid sieluráfi. 

Mii čuollat maid bierfasieđggaid, dat leat suhkkes sieđggat. Dalle buolligoahtá johtileappot. Sieđgadolla ii buollá nu johtilit. Muhto go vuos buollá, de addá olu lieggasa. Ja áššu.

Jos háliidat ahte earát galget oaidnit du, de bidjal dola vai oidnet suova. 

Sieđgadola ii sáhte cahkkehit seavdnjadin. Dat addá uhccán čuovgga. Sieđga ii leat dat bulešeamos muorra mii gávdno. Soahkemuorra dat gal buollá bures ja johtilit. Das lea njuovččadolla.

Mii leat meahcis ja áigut cahkkehit sieđgadola. Mii čuollat ja doadjit sieđgagálvvaid. Gálvvat leat mat leat áibbas goikásat. 

Dollacahkkeheamis lea deaŧalaš gávdnat albma bullehagaid dahje cahkkehagaid. Nu mo beassi dahje soarvvi.
Dolla galgá čorgat, amas dolla doalvut činaid ja rattiid miehtá. Danin njáskkan juohke galdda, vai eai leat das rissit. Buot ovssiid galgá eret váldit vai dolla buollá čábbát ja ráidnasit.Sieđgagálvvain ii leat beare olu suovva. Dalle sáhttit čohkkát dollagáttis ja boradit.

Sieđgagálvvat leat lieggaseamos boaldámušat, maid gávnnat meahcis.

Sieđga ii buole njuovččadollan, dat ii atte čuovgga.
Jos it hálit ahte galget du oaidnit, bidjal gálvadola. 
Das ii leat beare olu suovva.

Čále cealkámuša

Your email address will not be published. Required fields are marked *