Vuittii Golleseahkka-bálkkašumi: – Mii sávvat dát movttiidahttá eambbogiid gaskkustit sámi kultuvrra

Marja Mortensson Trio oaččui duorastaga Golleseahkka
-bálkkašumi; dán jagi johttibuvtta, go leat gaskku-
stan lullisámi kultuvrra muitalusaiguin ja musihkain.

Marja Mortensson Trio leat Jakop Janssønn (gurut bealde), Marja Mortensson ja Daniel Herskedal . Preassegovva: Frode Fjellheim

Trio, geas leat Marja Mortensson vuelie ja jietna, Daniel Herskedal tuba ja Jakop Janssønn rumbbut, lea Kultuvrralaš skuvlaseahkain johtan skuvlajagi 2021 konseartačájálmasain«Mojhtestasse – Minnegaven»

– Dát bálkkašupmi čalmmustahttá ahte min bargu lea dehálaš. Mii sávvat dát sáhttá movttiidahttit eambbogiid gaskkustit sámi kultuvrra, cealká Jakop Janssønn go vuostáiválddii árvosaš bálkkašumi trio ovddas.  

Jury oaivvildii ahte «Marja Mortenssons fátmmasteaddji ja árvvas gaskkusteami bokte šaddá lullisámi hirstoja lahká ja darvána muitoskeaŋkan juohke áidna oahppá. Skeaŋka man jáhkkimis bissu sin luhtte guhká».

Golleseahkka geigejuvvo ovttasráđiid fylkasuohkaniid ja DKS njuolggosuohkaniid, ja Norsk Tipping. Bálkkašupmi geigejuvvui vuosttaš geardde 2007 ja maŋemus geardde 2014. Bálkkašupmi čuožžila DKS našunála ortnega 20 jagi ávvudeami oassin.

Kultuvrralaš skuvlaseahka ávvukonferánssas duorastaga Tou Scenes Stavangeris manai maiddai Golleseahkka-bálkkašupmi Lost and Found Productions Victoria Røising, Nikoline Spjelkavik ja Per Magnus Barlaug; dán jagi heivehuvvon buvttadeapmi, mii lea «Oh baby baby goes viral». Sii heivehedje jagi 2020 fysalaš lávdedáiddabuvttadeami, seksa ja pubertehta birra, digitála ja interaktiiva veršuvdnan.

– Lea nu ihána somá vuoitit dán bálkkašumi. Vel suohttaseabbo lea vuoitit buvttadeami ovddas, man ovddas mii leat ferten veahá nágget, dajai Røising go válddii vuostá bálkkašumi.  

NTB