Diŋgo donge! 
GUHKES GURGADASAT: Guhkes tráktorráiddut leat leamaš oassi boanddaid vuosttaldeamis ráđđehusa fálaldaga eanadoallošiehtadallamiin. Dá Sandefjordas. Govvii: Trond Reidar Teigen / NTB
Čálii NTB-Kenneth Kandolf Haug
– Mii rehkenastit, ahte ášši dál šaddá árbevirolaš stuorradiggegieđahallama vuollásaš, dadjá Norgga Boanddaidsearvvi jođiheaddji Lars Petter Bartnes NTB:i.
HILGU OĐĐA ŠIEHTADALLAMIID
Nuba son hilguge vejolašvuođa, ahte šiehtadallamat sáhtášedje álggahuvvot fas ovdalgo ráđđehus ovdanbuktá stuorradiggeproposišuvnnas eana-
doallošiehtadusa hárrái. Eanadoallo- ja biebmodepartemeanta cealká NTB:i, ahte proposišuvdna lea «boađi boađi», muhto ii dáhto duođaštit dáhtona.
Boanddaidsearvi ja Smávvadálolaččaidsearvi botkejedje šiehtadallamiid stáhtain miessemánu 6. beaivvi, ovdalgo dat aittonassii ledje álgánge. Boanddat oaivvildedje, ahte sin 2,1 miljárdda kruvdnosaš lasáhusgáibádus ja stáhta 900 miljovnna kruvdnosaš fálaldat ledje dan meare guhkkálaga, ahte ii lean ulbmillaš oppa šiehtadallatge.
RÁĐĐHUS DOIVU FRP OAŽŽUT BEALLÁSIS
Ráđđehusas ii leat eanetlohku Stuorradikkis, muhto dat dorje dávjjimustá Ovddádusbellodaga (Frp) áirasiidda vai oažžu áššiidis mearriduvvot.
– Mii leat ovdal cealkán, ahte ráđđehus buvttii ovdan buori álgofálaldaga. Dan mii oaivvildit ain, dadjá Ovddádusbellodaga ealáhuspolitihkalaš ságadoalli Sivert Bjørnstad.
Son dieđiha goitge, ahte bellodat buktá iežas gáibádusaid, go leat beassan lohkat proposišuvnna čađa.
– AHKIT GO BBOANDDAT EAI MÁHCCAN ŠIEHTADALLAMIIDDA
– Lea hui ahkit, go boanddaid organisa-šuvnnat eai váldán vuhtii min ávžžuhusa čohkkedit šiehtadallanbeavdái fas. Dat livččii dáhkidan boanddaide buori bohtosat, dadjá Bjørnstad.
(©NTB)