Diŋgo donge! 
INKASSOÁŠŠIT LASKET: Norgalaččaid smávvaloatnavealggit geahppánit ain, muhto inkassoáššit leat fas lassánan, čájehit ođđa logut, maid Norsk Gjeldsinformasjon (Norgalaš vealgedieđut) lea almmuhan. Govven: Gorm Kallestad / NTB
Norsk Gjeldsinformasjon (norgalaš vealgedieđuid) varas logut čájehit, ahte norgalaččaid smávvaloatnavealggit jotket ain geahppánit. Miessemánu álggus leai dáhkitkeahtes vealgi masá 152,4 miljárdda kruvnnu, ja cuoŋománu álggus leai fas 152,9 miljárdda kruvnnu.
Ođđajagimánus diibmá leai lohku 175,8 miljárdda kruvnnu.
BÁŊKKUT ÁRVVOŠTALLET LOATNAOHCCIID ÁĐABUT
– Mii leat máŋgga geardde čujuhan, ahte vealgelogahallamiid ásaheapmi suoidnemánu 1, 2019 lea leamaš deaŧalaš buvttadahkki, dasgo dat addá báŋkkuide buoret vejolašvuođaid árvvoštallat kredihttaárvvu, dadjá Gry Nergård, Finans Norge geavaheaddjipolitihkalaš direktor.
Son lea ilus, go ráđđehus lea signaliseren ahte vealgelogahallamat galget viiddiduvvot, nu ahte maiddái pántadáhkiduvvon vealggit galget čájehuvvot, eaige dušše dáhkitkeahtes vealggit.
JUOHKE GOALMMÁT LOATNA MANNÁ INKASSOI
Dattetge ii leat seamma illudahtti, ahte Finánsabearráigeahču raporta smávvaloatnavelggiid gárggiideamis čájeha, ahte inkassoáššit leat lassánan jagi 2020.
Raportta mielde lassánedje inkassoáššit, mat čatnasit smávvaloatnavelggiide ovttain proseanttain jagi 2020 ollodahkii. Okta golmma smávvaloatnagáibádusas, mat manne inkassoi diibmá, ledje loanat mat ledje boarráset go vihtta jagi.
– BUORET VEALGEORTNETLÁHKA DÁRBBAŠUVVO
– Dát leat nappo loanat, mat váldojuvvojedje ovdalgo eiseválddit sisafievrridedje iešguđetlágan doaibmabijuid, mat muddejit smávvaloatnamárkana, nugo vealgelogahallamiid. Muhto mii leat goitge fuolastuvvan gárggiideami dihtii, ja danne mii leat čujuhan ahte dárbbašuvvo ođđa ja buoret vealgeortnetláhka. Mii leat ilus, go dat fargga boahtá áigái, dadjá Nergård.
(©NTB)