Ođđasat

Ásahedje ođđa organisašuvnna

Saepmie Pride Tråante oktavuođas ásahedje sámi homofiillat ođđa bonju-organisašuvnna. Ođđa organisašuvnna namma lea Garmeres - Queer Sámi Organisation.

Sámi girjjálašvuođa nannet 5,1 mill. ruvnnuin

Sámediggeráđđi evttoha geavahit 5,1 mill. merkejuvvon ruvnnu eambbo 2020 bušeahtas sámegiel girjjálašvuođa buvttadeapmái ja gaskkusteapmái. Dat lea buorre ođas midjiide buohkaide geat liikot sámi girjjálašvuhtii, dadjá sámediggeráđi Henrik Olsen.
NSR lágidii konferánssa vuosttildan dihte Nussir ruvkedoaimmaid:

– Mii dárbbašit veahki dáid roasuin

Jovsset Ánte Sara ii leat áidna, gii heakkaheđiid doarru vuoigatvuođaidis ovddas. Boazodoallit miehtá Sámi vásihit sisabahkkemiid nu vahágin ahte čurvot heahteveahki. 
Olbmot čoahkkanedje Fálá gárdde lusa doarjut Jovsset Ánte

– Manne mus ii leat riektesihkarvuohta?

Vaikko Jovsset Ánte Sara guoddalii Nuorta-Finnmárkku diggegotti maŋimuš duomu, de stáhta ii dáhtton vuordit dassái go lágamannerievttis mearridit meannuditgo go Sara guoddaleami vai ii. Lávvardaga čoahkkanedje oba ollugat doarjut Jovsset Ántte.
Gaskaboddosaš čoavddus dohkkehuvvon jur ovdalaš bággonjuovvamiid

Bággehallan addit eret ealus 

Jovsset Ánte Sara addá bákku vuolde eret ealus. Eanandoallodirektoráhtta gohčoda dan iešstivrejupmin ja rámida boazodolliid go soabadit. – Dát lea gaskaboddosaš heahtečoavddus, fal eiseválddit eai gotte mu bohccuid. 

Sámediggi doarju mearrasámi barttaid bealle miljovnnain

Sámediggeráđđi lea juolludan 500.000 ruvnnu doarjjan Manndalen Sjøbuerii,mii dál áigu ođasmahttit iežas barttaid gávcci sámi jahkodagaid inspirašuvnnain. 

Miellačájeheapmi ja lávvocamp Jovsset Ántii doarjjan ja Nussir-ruvkke vuostá

Hámmárfeasta ja Fálesnuorri vásihit guokte stuora sámi vuoigatvuođaášši 2019:s. Danne bovde Norgga Sámiid Riikkasearvi (NSR) lávvocampii Riehpovuona gáddái gos lágidit ságastallamiid, kultuvrralaš prográmma ja čatnat oktavuođabáttiid. Deaivvadeapmi lea lávvordaga.

Jođus fáktet bohtet go veagal njuovvat Jovsset Ántte bohccuid

NSR njunušpolitihkkár ja aktivista Beaska Niillas lea jođus Fálesnuorrái. Dáid beivviid gárddástallagohtet oainnát Jovsset Ánte Sara ja Fálá orohat.

Beassá neaktit Norgga Nationálateáhtera lávddis

Eila Ballovara Varsi ii lean go viđajahkásaš go álggii Deanu mánáidteáhteris neavttášit. Dál lea 18 jagi boaris ja neaktá fargga Norgga Nationálateáhtera ja Sámi Našunálateáhter Beaivváža lávddis.
Guovddášbellodat lea válggaid stuora vuoiti

Dál ohcagohtet ovttasbargoguimmiid

Eanaš sámi gielddain ja eará guovlluin Norggas maid lea Guovddášbellodat šaddan bivnnuhin. Sámi gielddain leat šiehtadallamat juo olles leahtuin jođus ja máŋgga gielddas jáhkket Guovddášbellodaga beassat eanetlohkui ja sin evttohas sátnejođiheaddjin. 

Searvvai Eurohpá filosofaid lávlungilvvuide

Eurohpa filosofain lea áibbas sierra lávlungilvu Šveiccas, man sáhttá masá jo buohtastahttit Eurovision -lávlungilvvuiguin. Dohko dollii aiddo nammaduvvon sámi filosofa Ánde Somby lávlagiinnis. 

– Norga signalisere ahte sámiin eai galgga olmmošvuoigatvuođat

Norgga stáhta láhtte dego sámiin eai leat olmmošvuoigatvuođat. Nu oaivvilda sámediggepresideanta Aili Keskitalo.

Oaivvilda ON boastut ipmirdeame Norgga rievtti bákkuin njuovvat

Eanandoalloministtar Olaug Bollestad lea viimmat vástidan Jovsset Ánte Sara áššis. Son ii oainne Norgga dahkame makkárge boasttuvuođaid go eai dáhto vuordit bággodoaimmaiguin dassái go ON lea meannudan Sara guoddaleami.
Deaivvat donge sámegielat girdipilohtain:

– Buorre iđit ja buresboahtin deike, mun lean girdijođiheaddji Stensvaag

Leatgo čohkohallan girdis ja fáhkka gullan go girdipilohta rávkamin ”buorre beaivvi” ja čilgemin girdimátkki sámegillii? SÁMi ođasmagasiidna lea deaivvadan movttegis girdipilohtain, gii lea Bergenis eret.

Ballá sámeskuvlla heaittihuvvot

Romssa fylkkasuohkan lea álo gokčan boaittobeale skuvlamánáid skuvlasáhtu Romssa sámeskuvlii Málatvuomis. Dál gahččet dát golut mánáid ruovttugielddaide, ja Sámediggi ballá gielddaid biehttalit sáhtu máksimis, nu ahte Romssa Sámeskuvlla báhcá ohppiid ja eksisteansavuođu haga.

Sámediggi leamaš Šveiccas guorahallame Nussira

Sámediggepresideanta Aili Keskitalo ja sámediggeráđi Silje Muotka leaba leamaš detektiivabarggus Šveiccas. Soai geahččaleigga gávnnahit geat Nussira čiegus oasuseaiggádat leat.

Siiddut