Kultuvra

Sámi gründárat ja fitnodateaiggádat:

Mánnávuođa niegu čuovvumin

Stuorra beroštupmi biktasiidda oaččui Kajsa Kvernmo goarrut alcces biktasiid nuorran ja son niegadii bivttashábmejeaddji ámmáhis. Dál son eaiggáduššá guokte fitnodaga ja lea aiddo almmuhan ođđa sámi bivttasmearkka.

– Ii leat sáhka dušše resursaváilivuođas, muhto maiddái vuoruheames

Sosialisttalaš gurutbellodat dáhttu Stuorradikki jođánit meannudit Riikkarevišuvnna raportta ja dalán buoridit sámegieloahpahusa.

Riikkarevišuvdna gáibida buoret sámegiel oahpahusa

Skuvllat ja skuvlaeaiggádat leat beare heajut muitalit ahte ohppiin lea vuoigatvuohta sámegieloahpahussii. Gáiddusoahpahus lea menddo heittot ja menddo sámegiel oahpaheddjiid ja oahpponeavvuid váilun heajosmahttá oahpahusfálaldaga. Nu cealká Riikkarevišuvdna raporttastis.

Sámi nissonat ealáhushutkin

Vihtta sámi nissonfitnodatjođiheaddji designsuorggis geat vuvdet miljovnnaid ovddas dán guovllus, leat dáid beivviid leamaš čoahkkanan Romsii. Ovttas Sámedikkiin leat sii ráhkkanan ovttas Oslo Design Fair searvamii borgemánus 2020.

Behtohallan go ráđđehus suovvá Nussira álggahit ruvkedoaimmaid

Gonagas stáhtaráđis lea odne dohkkehan Nussir ASA ruvkedoaibmakonsešuvnna Nussiris ja Gumpenjunis Riehpovuonas. Sámediggepresideanta Aili Keskitalo ja sámediggeráđi Silje Karine Muotka leaba garrasit behtohallan.
KRONIHKKA

«Dassážii go jápmin earuha»

Dán náittosdillelohpádusa mii gal buohkat dovdat. Vuorasolbmot galget beassat ovttas orrut dassážii go jápmin earuha, maiddái dalle go ruovttus fárrejit institušuvdnii.
KRONIHKKA

Ránes molsun

Dan molsumis maid stáhtaráđđi Torbjørn Røe Isaksen lea dál rahpan Riehpovuonas ii vuhttoge ruonas. Stáhtaráđđi berre leat várrogas ivdnás ideálagovvideami geavahemiin ja baicca geahččalit ákkastallat manin son atná dárbbašlažžan bilidit nationála luossavuona ja váldit sámi boazosápmelaččain sin eallinlági, čállá sámediggepresideanta Aili Keskitalo kronihkastis.

“Sööfe” oaidnit juovla- mánus NRK Superis

Juovlamánus beassat oaidnit máttasámi nuoraid-TV-ráiddu, Sööfe, NRK Supera neahtta-tv:s. – Mii illudit dan čájehit, lohká NRK Sámi mánáid-tv redaktevra Norleif Krokmo.

Disney sáddii preassadieđáhusa sámegillii

Go Disney almmuhii geat nektet Jikŋon 2 filmmas ja goas filbma almmuhuvvo, de Disney  čálii preassadieđáhusa sámegillii. Sámediggepresideanta Aili Keskitalo illuda.

Allabasálaš sámi Ipmilbálvalus Oslo Duopmogirkus

Lei stuora allabasálaš dáhpáhus go ođđa sámegielat Biibbal geigejuvvui Stuorradiggái Oslo Duopmogirkus lávvardaga. Sámi Girkoráđi jođiheaddji Sara Ellen Anne Eira lohká ođđa Biibbala ja Oslo Bismagotti čalmmustahttit mearkkašit olu.

Oaččui Ingrid Espelid Hovig biebmobálkkašumi

Son lea bures dokumenteren ja seailluhan sámi biebmokultuvrra. Nu celkkii jury go geigejedje sutnje Ingrid Espelid Hovid biebmokulturbálkkašumi.

– In lean goassege jáhkkit dán niegu ollašuvvat

Vuossárgga lei erenoamáš beaivi go tanzanialaš Margareth Kihulla seaivvui Áltái ja beasai deaivvadit guovdageaidnulaš Inger Anne Marie Pulkain.

Sávvá filbmafestivála giktalit nuoraid filbmabargin

Ollu olbmot gallededje máttasámi filbmafestivála Raasten rastah . – Mii dárbbašit eambbo máttasámi filbmabargiid ja sávan filbmafestivála giktalit nuoraid šaddat filbmabargin.

- Earenoamáš lossa bušeahttabargu

Sámediggeráđđi lea ráhkadan 2020 bušeahttaevttohusa. Sámediggeráđi Henrik Olsen lea beahtahallan go sis lea leamaš mandáhtta dušše čuohppat bušeahta.

Doarjja fasáda rievdadeapmái

Sámediggeráđđi juolluda 325.000 ru Dirgi AS:ii Unjárggas, mii áigu rievdadit fasáda Fjordgården 1-bygget nammasaš visttis Vuotnabađas.

Ožžo kultur- ja valáštallanstipeanddaid

Sámediggeráđđi lea juolludan ovtta kulturstipeandda ja golbma valáštallanstipeandda 2019:s. Kulturstipeanda addojuvvuo dánsadáiddárii Ánna-Katri Helanderii, ja valástallanstipeanddaid ožžot báhčinčuoigi Amalie Kristine Triumf, turner Peder Funderud Skogvang ja ishockey valáštallii Tuva Sirin Schall Mikkelsen.

Siiddut