Vuorkágovva: Roger Mandal

Stáda boahtá politiija vehkiin njuovvat Jovsset Ántte ealu

Stáda ja Nuorta-Finnmárkku diggegoddieai dáhtoguldalit Ovttastuvvan Našuvnnaid, matdáhttotvuordit bággodoaimmaiguin Jovsset Ánte Sara vuostá. Go orohat bidjá gárdái čakčamánus, de Eanandoallodirektoráhta lea gearggus fámuin njuovvat Sara ealu. Direktoráhta dáhttu politiijaid, Biebmobearráigeahču, Boazopolitiija, boazolohkkiid, Fylkkamánni ja njuovahaga veahkkin dán bargui.

Boazodoallostivrra mearrádus, man mieldeJovsset Ánte Sara ealu ferte bákkus njuovvat, lea lágalaččat dohkálaš. Sara galgá iešgokčat visot goluid bággonjuovvamis. Nu celkkii Nuorta-Finnmárku diggegoddi mannan vahku. 

Ášši gárttai vuot diggái, danne go nuorra boazodoalli Jovsset Ánte Sara (27) biehttalii jeagadeamesBoazodoallostivrra, mii lei gohččonnjuovvat ealu 75 heggii ovdal 2018 loahpa. Boazodoallostivra celkkii ahte Sara eallu galgá bákkus geahpeduvvot 75 heggii 2019:s jus fal Sara ii njuova ieš. Diggegoddi doarjjui Eanandoallodirektoráhta plánen bággodoaimmaid ollislaččat.

Bággonjuovvan čakčamánus

Jus Sara ii guoddal mearrádusa, de lea nuorra boazodoalli vuoittáhallan, maŋŋá go masá čieža jagi lea dorron stáda vuostá sihke riektevuogádagas ja riikkaidgaskasašdásis. Su veahkkin leat leamaš stuorraoabbá ja beakkán dáiddár Máret Ánne Sara, ON, Sámediggi ja earát, muhto dat eai leat nagodan stáda oažžut eará oaivilii.

Čakčamánus, go Fálá orohat lea mearkungárddis, de Eanandoallodirektoráhta áigu fámuin njuovvatJovsset Ánte Sara ealu, jus joieš ii njuova. 

Eanandoallodirektoráhta váldá politiijaid, Biebmobearráigeahčču, boazopolitiija, boazolohkkiid, Fylkkamánni ja njuovahaga veahkkin dán bargui. Goluid,mat šaddet bággonjuovvama oktavuođas, gártá Sara ieš máksit.Golut bohtet beaivesáhkuidlassin,maid lea ožžon, ja mat dán rádjái leat čoagganan jo 580 000 ruvnno. 

ON Olmmošvuoigatvuođakomiteas ii ávki

Ovdal dikki de Ovttastuvvon Našuvnnaid Olmmošvuoigatvuođakomitea dáhtui Eanandoallodirektoráhta vuordit bággodoaimmaiguin, dassái go komitea lea cealkán áššis. Jovsset Ánte Sara bealušteaddji Trond Biti vikkai dikkis ákkastallat earet eará ON ávžžuhusain ja muittuhii dikki ahte bággodoaimmat rihkkot álbmotrievtti ja lea roavva vearredahku sihke Sara ja sámi kultuvrra vuostá. Biti dáhtui dikki cealkit Sara sivaheapmin.

Nuorta-Finnmárku diggegottis eai lean ovtta oaivilis ahte dát lea vearredáhkku Sara ja sámi kultuvrra vuostá. Diggegoddi maid cealká ahte Ovttastuvvon Našuvnnaid olmmošvuoigatvuođalávdegoddi ii sáhte lágalaččat bissehit Norgga dán dahje eará áššisge, erenoamážit go stáda lea vuoitán áššis Alimusrievttis. Norga ii leat geatnegahtton vuordit bággodoaimmaiguin,cealká diggi. Diggi maid cealká ahte Norga ii leat obanassiige geatnegahtton čuovvut Ovttastuvvon Našuvnnaid Olmmošvuoigatvuođakomitea loahpalaš rávvagiid ja ávžžuhusaid. 

Ášši lea leamaš vuot dikkis danne go Sara ii doahttalan Boazodoallostivrra mearrádusa njuovvat ealu. Boazodoallostivra de ferte ovddidit ášši diggái, vai sáhttá bákkus njuovvat ealu.  

Advokáhta Trond Biti ii leat vel ságastan Jovsset Ánte Sarain, muhto árvvoštallá ášši guoddaluvvot lágamánniriektái.

– Šaddá oalle stuibmi,jus bohtet njuovvat bákkus su ealu. De gal šaddá oalle action. Ii oba sáhte ge nu ahte dan botta go Sara mearku, de stáhta njuovvá. Das ii boađe mihkkege, ja duomu árvvoštalle guoddalit, lohká Biti.

 Sara ja su bearaš ii leat vel gearggus kommenteret ášši.

 

DÁ LEA ÁŠŠI:

Jovsset Ánte Sara Fálá orohagas oaččui vuosttaš geardde 2013:s dieđu geahpedit boazologu 115 heakkas 75 heggii. Eanandoallodepartemeanta lei mearridan geahpedit boazologu Finnmárkkus, ja celkkiiahte orohagain mainieža eai nagot soahpatmovt boazologu geahpedit, de eiseváldditmearriditboazologu. Vaikko Sámediggi árvalii suddjet nuoraid ja unna doalloovttadagaid,de stáhta gáibidii Fálá orohagas,gos eai ieža nagodan soahpat geahpedanplána, buohkaidnjuovvat gorálaččat seamma olu (seammá ollu proseanttaid). 

Sara biehttalii ja áššáskuhtii stáhta go rivve su vuoigatvuođa ja opmodaga. Son stevdnii stáhta ja lea vuoitán sihke diggegottis ja lágamánnirievttis. Go vuoittáhalai Alimusrievttis, de guoddalii ON Olmmošvuoigatvuođakomiteai. SÁMiođasmagasiidna lea čuvvon stuorraoappá ja stuora dáiddára Máret Ánne Sara doarruma vieljas ovddas. Son lea oaiveskálžodáidagiinnis johtán miehtá Eurohpá. Son lea demonstreren Stuorradikki olggobealde ja ganjalčalmmiidrohkadallan sihke stuorradiggepolitihkkáriin ja Majestehtalaš Dronnet Sonjas veahki. Maiddái Sámediggi lea geahččalan veahkehitáššis.

Ii mihkkege leat veahkehan. Stuorradiggi ii dorjon nuorra boazodoalli eaige lohkan ON Olmmošvuoigatvuođalávdegottis mihkkege dadjamušaid Norggas. Stuorradiggi celkkii ahte geahpedanplána ferte čađahit ja ahte ii leat vuoiggalaš 230 eará boazodoallái,geat leat njuovvan, jus dál diktet Sara leat njuovakeahttá. Ovdal juovllaid mearridii Boazodoallostivra ahte bággonjuovvan galgá čađahuvvot jus Sara ieš ii njuova ja jus su orohat ii buvtte eará geahpedanplána. Sara guoddalii mearrádusa ja dál lea Boazodoallostivrra maŋimuš mearrádus meannuduvvon Nuorta-Finnmárkku diggegottis.