Govva: Arvid Sveen

Seminára Álttá vuostálastimiid birra

Dán mánu 14. – 16. beaivvi lágida Sámi Dáiddaguovddáš Kárášjogas seminára Álttá vuostálastimiid birra.

Seminára lágiduvvo «Ellos eatnu. Iehčanas dáhttu ja ođđamáilmmálašvuođa duddjon» -dáiddačájáhusa oktavuođas.

Semináras leat Álttá vuostálastimat guovddážis ja dalá áiggi dáiddárat, geain lei mávssolaš oassi vuostálastimiin, čalmmustahttojit semináras. Vuostálastimat ledje nappo duogážin ollu dáiddabargguide. Álttá vuostálastimiid áigge digaštallama jođihii álbmotakšuvdna, ja dán čájáhusas beasat oaidnit oasi sin vuorkkás (arkiivvas), mii lea vurkejuvvon gitta dan áigái. Ovtta logaldagas šaddáge aiddo vuorkká birra sáhka, ja makkár mearkkašupmi vuorkkás lea boahtteáigái.