Sámediggeráđi Silje Karine Muotka lea beahtahallan go Stáhta ja Boazodoallostivra eai dáhttonvuordit bággodoaimmaiguin dassái go ON cealká áššis.

Sámediggi šálloša bággonjuovvama

Sámediggi ii ipmir manne stáhta ja boazodoallostivra ii dáhtton čuovvut ON ávžžuhusa ja vuordit bággodoaimmaiguin Jovsset Ánte Sara vuostá, dassái go Sara váidda lea gárvvisin meannuduvvon ON Olmmošvuoigatvuođakomiteas.

– Vuosttažettiin, mun garrasit šállosan dan ahte stáhta ja ovddit boazodoallostivrra eai sáhte vuordit dassái go ON`árvvoštallan Jovsset Ánte Sara áššis boahtá. Ii leat vejolaš ipmirdit manne sislea nu hoahppu juste dál, go stáhtii ii leat makkárge váikkuhus vuordit  moadde mánu, lohká beahtahallan sámediggeráđđi Silje Karine Muotka. 

ON`cealkámuš dehálaš

Muotka lohká dehálažžan vuordit ON`cealkámuša, desáhtášii stáhtaárvvoštallatON cealkámuša, jus mat de ON árvvoštallá ášši eará láhkai go Alimusriekti.

Mannan vahku dat Nuorta-Finnmárkku diggegoddi doarjjui Boazodoallostivrra mearrádusa bákkus njuovvat Jovsset Ánte Sara ealu čakčamánus, jus son ii daga dan eaktodáhtolaččat. Sara advokáhtta Trond Biti lea lohkan SÁMiođasmagasiidnii ahte árvvoštallaba guoddalit diggemearrádusa.

Ođđa boazodoallostivra fámus

Muotka šálloša go nuorra boazodoalli oba leage šaddan dán dillái. Sámediggi geahččalii váikkuhit áššái, nuahte boazologugeahpedeames suddješedjeáiddo álgán ja nuorra boazodolliid.

– Ášši lea juo bistán čieža jagi ja lea oba hástaleaddji nuorra boazodoallái go lea nu guhká ádjánan dat ášši. Dál ferte čuovvut mielde maid son dahká. Okta vejolašvuohta lea fas guoddalit ja sávan dieđusge ahte ON árvvoštallan boahtá fargga, lohká Muotka.

2017 rájes ii leat Sámediggi nammadan lahtuid Boazodoallostivrii. Dán giđa almmuhedje fas dahkat dan. Dál lea ođđa Boazodoallostivra sajis, muhto Muotka ii dieđe sáhttágoođđa boazodoallostivra dahkat maidege áššis.

– Na, dan gal in sáhte mun čielggadit gal. Ferte dál vuordit ja oaidnit guoddala go Sara ášši, lohká son.