Lasse Kvermo Min Bozu beaivválaš jođiheaddji. Govva: Anne Biret Anti

Min Boazu reastaluvai

Mannan vahku reastaluvai Min Boazu. Fitnodat ásahuvvui 2016 ja leat earet eará vuoitán silbba iežaset Rein Finnbiff design ovddas New Yorkas 2018.

Áiddo báliid nagodii fitnodat ásahit ovttasbarggu REMA 1000 -gávppiin, mii vuovdigođii Min Bohcco biergobuktagiid. Min Boazu eiendom AS lea velá hukseme njuovahaga Kárášjohkii.

– Hui suddu, muhto nu fertii geavvat go eat geargan jorggehit go okta min ovttasbargoguimmiin reastaluvai. Eat geargan gádjut šat Min Bohcco. Lea ain lihkká ollislaččat min ovddasvástádus go Min Boazu reastaluvai, čilge Min Bohcco beaivválašjođiheaddji Lásse Kvernmo iežas Facebook siiddus.

 

Son giitá buori ovttasbarggu ovddas ja illuda go ain lea buorre gulahallan boazodolliin. Sus ja earáin fitnodagas lea ain jáhkku bohccobierggu vuovdimii ja áigot árvvoštallat leago vejolaš álggahit doaimmaid ođđasit.

Emneord: