Govvamontáša: Nils Egil Gaup Preassagovat

Mii – Gos – Goas? 25.05-01.06

SÁMi ođasmagasiidna muitala juohke háve juoidá, mii ovddos guvlui dáhpáhuvvá Sámis! Bures boahtin min “Mii – Gos – Goas?” spáltii!

SEMINÁRAT JA ČOAHKKIMAT

Koloniserejuvvon Sámi dekoloniseren

26.05 dii. 09.30-15.00 Guovdageainnu allaskuvllas.

Prográmma

09:00-09:10 Rahpan

Sámi Journalisttaid Searvi ja Sámi allaskuvla

09:10-10:00 Sámedikkiid bargu duohtavuođa- ja seanadankommišuvnnain Ruoŧa-, Suoma- ja Norgga bealde.
Ruoŧabeale Sámedikki stivrraságadoalli Per-Olof Nutti
Suomabeale Sámedikki presideanta Tiina Sanila-Aikio
Norggabeale Sámedikki ráđđelahttu Henrik Olsen

10:00-11:00 “Ohcaleatnot iežamet vuolggasaji! Sámi mediaid revitaliseren ja vitaliseren hástalus” Logaldalli: Mienna-Márjja-Máreha Asta/PerBaltto-Hánssa Mitkijá/Asta Balto

11:00-11:50 “Koloniserejuvvon Sámi dekoloniseren!

Logaldalli: Ol-Johán Sikku, Staare

12:00-13:00 Lunša

13:00-14:15 Joavkobarggut ja ságastallamat

14:15-14:55 Joavkobargguid ovdanbuktin ja ságastallan

14:55-15:00 Loahpaheapmi: Sámi Journalisttaid Searvi ja Sámi allaskuvla

19:00- Semináramállásat
SJS máksá bovdejuvvon gussiid, logaldalliid ja iežas miellahtuid ovddas.

SJS jahkečoahkkin 26.05 dii. 16-18:00 Diehtosiida. Dábálaš jahkečoahkkináššit.

Áššit mat evttohuvvojit jahkečoahkkimii galget sáddejuvvot stivrii ovdal

10.05.2018

ČÁJÁHUSAT

Lunša kultuvrrain: Silbaloddi ja Stállu / Sølvfuglen og Stallo

25.05 dii. 12:15-12:45 HumSam-girjerádjosis Georg Sverderupsa stobus, Oslos.

Silbaloddi ja stállu/Sølvfuglen og stallo lea muitalus man Astrid Swart lea čállán.

Muitalusas lea stállu, silbaloddi, ustitvuohta, magiija, oktasaš vuoigŋa, lávlagat, luođit ja mimihkka. Čájáhusas gullo maiddái sámi rumbu.

Nuvttá ja rabas buohkaide

Vuovdit káfe ja váffeliid dii 11:45 rájes.

Prográmma
Muitalus Silbaloddi ja stállu

Luohti ja divttat

Sámi lávlagat

Guoimmuheaddjit
Sami Goldsource: Anne-Lise Johnsen Swart ja Mari Helander

VALÁŠTALLAN

26.05 dii. 10:30-23:30 Ailigas-Sääsket/Áilegas-Čuoikkat valáštallansearvi lágida spábbadoaškungilvvuid Gáregasnjárggas Njálla-valáštallanhállas.

Gilvvut čađahuvvojit seaguhuvvon joavkkuin, juohke bánas ferte nappo čađat leat mielde okta nissonolmmoš. Biepmu ja juhkamuša sáhttá oastit gáffádagas. Gilvvuid lágidit dábálaš spábbadoaškunnjuolggadusaiguin.

LÁGIDEAMIT

26.05 dii. 12-16:00 lágida OCA áicomátkki Sinober Sportstue luhtte.

Áicovázzimis ja konsearttas láhčit dili Loddesinfoniija čiekŋalis guldaleapmái. Lágideapmi lea oassi Elin Már Øyen Vistera “Juoigamin njuvččaiguin, hupmamin geđggiiguin – Goase Dušše fas gullamin” (Singing along to whooper swans – talking with the rocks – Goase Dušše revisited) -dáidagis.

Lágideamis leat ságastallamat ja ovdanbuktimat bovdejuvvon gussiiguin: Gjermund Andersen (NOA), Anders Rimpi (Sápmi / SE) ja Hanna Mattila (Sápmi / FI). Varas urttaid ja máli fállet Tokyo Twins ja Elin Már Øyen Vister.

Norgga beale dáiddár ja komponista Elin Már Øyen Vistera ođđa bargu, ” Juoigamin njuvččaiguin, hupmamin geđggiiguin - Goase Dušše fas gullamin” lea boađusin Áillohačča beakkán Goase Dušše - Loddesinfoniija (1992) čiekŋalis guldaleamis ja guorahallamis. Das guorahallojuvvo dan ráhkadeami proseassa ja makkár oktavuohta ekologiijas ja musihkas lea dán áigge. Vuovdi, mas vázzit, lea okta Oslos maŋimuš boares vuvddiin, ja mii guldalit ealli vuovddi jienaid. Dáiddár muitala, ahte Goase dušše ráhkadeaddji, “Áillohaš háliidii min guoimmuhit lunddolaš máilmmi symfoniijain, muhto seammás son maid fuopmášuhttá min duođalaš áššis; “Luondu lea jápmimin!” Dál, 26 jagi maŋŋá, mii smiehtadit su sániid, go váccašit máŋggadáfot boares vuovddis, masa Gjermund Andersen min ofelastá čiekŋalis dieđuidisguin. Son lea eallinagis iskan suddjet boares vuvddiid”.

Mii beassat maid gullat Áillohačča divttaid, maid sámi girjjálašvuođa dutki Hanna Mattila minguin juogada, ja oažžut maid viđa minuhta jietnavásáhusa, man bajilčála lea Emadusjá gus iehkedussjá? (Orrugo veiggodišgoahtimin?), maid sámi komponista Anders Rimpi lea ráhkadan.

Dieđiheamit: liv@oca.no

Emneord: