Preassagovat

Mii – Gos – Goas? 22.06-29.06

SÁMi ođasmagasiidna muitala juohke háve juoidá, mii ovddos guvlui dáhpáhuvvá Sámis! Bures boahtin min “Mii – Gos – Goas?” spáltii!

SEMINÁRA

22.06 Dii. 10-15:15 Noaiddi árbi – Johan Martin Kaaven (1835-1918) Mearrasámi diehtoguovddážis Siskkit Billávuonas.

ČÁJÁLMAS

Elin Kåven loaiddasta

22.06 dii 20-01:00 Leavnnja Antikstores

Johan Kaavena 100 jagi čalmmustahttima oktavuođas lágidit Porsáŋggus eahkeda, mas Elin Kåven loaiddasta. Doaluid lágidit Antikstore ja Sámi giella- ja kulturguovddáš.

FESTIVÁLA

BeskánLuossaRock 2018

29.06-01.07 Dii. 15:00-03:00

Bearjadaga lea čájáhusrahpan, oaggungilvvut, kafea, čuoikapárka, nuvttá konsearta ja vaikko mii… 

Lávvardat eahkeda leat, nu mo lávejit, konsearttat gitta dassážii go beavi fas Báhkkilvári duohken ihtá:

Čuovvovaš artisttat loaiddastit:
RolfFa
Niillas Holmberg & Šuvvaboját
ÁGY
Johan Anders Bær + Schultzen & Ludvigsen
Sara Marielle Gaup Beaska
Karen Berit Sara Nedrejord
Maret Lajla Nedrejord
Berit Marie Lise Eira

ČÁJÁHUS

Min Davvin - Dáiddačájáhus

27.06 dii. 12-16:00 Beassi-kulturstašuvnnas Kárášjogas. Dáiddárat: Ellen Brita Anti ja Wenche Bauna.

DÁIDDA JA GUOIMMUHEAPMI

Stállobeaivvit Fálesnuoris 22-24.06

Prográmma

22.06 dii. 17-18:00 Åremål konsearta Fálesnuori Ássanguovddážis (Bosenter).

Åremåla musihkkárat čuojahit miehtá riikka. Beaggá ahte sii lea oalle čeahpit ja ožžot olbmuid loaktit. Ássanguovddážis sii čuojahit lávlagiid, mat heivejit guldaleddjiide geat bohtet.

22.06 Plutselig Sirkus “Indigos forundelige verden” čájehuvvo Fálesnuori birasviesus.

Klovdna Indigo Fei lávke lávdái ártegis hámiinis ja váldá gehččiid mielde ártegis máilbmái gos sáhttá geavvat vaikko mii. Čájálmasas lea dievva absurda klovdnapoesiija, magihkalaš nummarat, geaidu šuoŋat ja suorggahahtti spábbaakrobatihkka.

Čájálmasa maŋŋel geahččit besset geahččalit sirkusartistan!

23.06 Elias Fálesnuorrái.

Dii 12-14:00. Gádjunveahka ja Elias bohtet Fálesnuori hámmanii.

Doalut mánáide ja mánnábearrašiidda.
Mánát geat háliidit Eliasa mielde, ožžot veahkki 3-4 čeahpes ja somás veahkkis Gádjunveagas. Sii veahkehit mánáid coggat gádjunveasttaid, mieđuštit sin fatnasii ja fas gáddái – ja maiddái ieš vuodjimiin. Tuvrra maŋŋá mánát ožžot smávva seahkaža, mas leat Elias-biergasat! Ship O’hoi!

24.06 dii. 17-20:00 Mihcamárat Fálesnuoris

Olbmot buktet ovddalgihtii boaldámuša dollii, mii seamma sajis go diibmá; vulobealde Fálesnuorihálla. Lávvu lea maiddái lahkosis. Grilla lea buohkaid várás, nu ahte buohkat sáhttet váldit mielde borramuša maid grillejit. Guossohuvvo maiddái nuvttá luossafilea, maid Cermaq sponse. Fálesnuori nuoraidklubbas lea ovddasvástádus mánáid doaimmain. Buollinveahka maid oassálastá.