VUITTII: Kárášjoga heasta Knight’s Tia, gean Lill Tove Somby eaiggáda ovttas etniinis Anja Marita Niittyvuopion, vuittii lieggavaragiid “registrert premiekjøring” Báhčaveajis mannan lávvardaga ovttas Stian Pettersenin, gii vujii heastta. Govva: Linda Pedersen

Kárášjoga heasttat birgetmeahttumat

Kárášjoga heasttat ledje birgetmeahttumat ja vuite eanaš gilvvuid Báhčaveaji doalvegilvvuin Mátta-Várjjagis.

Lill Tove Somby ja Nils Egil Gaup bálkkašuvvuiga bures doalvešiljus ja Kristian Solbakken ovttas Mirasar nammasaš heasttain vuittii goappašagaid gilvvuid maidda oasálasttiiga.

LIHKKU LIHKUHISVUOĐAS 

Maŋŋel go gaskaseaidni Nils Egil Gaup ja Lill Tove Somby heastagoalusjorris moallanii, de eai lean sudnos nu stuorra vuordámušat heasttaide, muhto goappašagat vuittiiga.

– Lei unohis vásáhus go gaskaseaidni moallanii justa ovdalaš go joavddaimet Báhčaveaji Doalvešilljui. Tami Mosebo nammasaš heasta heađástuvai oalát heastagoalusjorris ja moai navddiime ahte son lei bávččagahttán nuppi maŋŋejuolggi, go oaččuime heasttaid eret heastajorris. Áigguime sihkut heasta eret gilvvus, go orui roasmmohuvvan. Muhto go vácciime veahá suinna, de oinniime ahte juolgi šattai buoret. Lihkus bođii Toralf Nystad viežžat nuppi heastta, nu ahte juvssaime gilvvuid ja Knight’s Tia vuittii vuosttaš lieggavarat gilvvus, Tami Mosebo bođii nubbin ja Lindy Mathc bođii goalmmádin, muitala Lill Tove Somby ja Nils Egil Gaup. Gaup bargá beaivválaččat SÁMi ođasmagasiinna doaimmahusas.   

Báikkálašgilvvus vuittiiges Tami Mosebo ja Knight’s Tia bođii nubbin ja Red’s Lady goalmmádin. Somby ja Gaup vuittiiga oktiibuot 19.500 ruvnnu dán beaivvi ja oaččuiga johttipokála nuppes mielde ruoktot Tami Moseboain, go eaiggádeaba Finnmárkku buoremus lieggavaraga.

Ášši joatkašuvvá gova vuolde.


VUITTII BÁIKKÁLAŠGILVVU: Toralf Nystad ja Tami Mosebo nammasaš heasta vuittiiga ovtta gilvvu Báhčaveajis lávvardaga. Priváhta govva

VUITTII GOAPPAŠAGAID 

Goalmmát Kárášjoga heasta mii vuittii visot, lei galbmavarat Mirasar ovttas hárjeheaddjin Kristian Solbakkenin. Son vujii Mirasar sihke “premiekjøringas” ja báikkálašgilvvus vuosttažin moallasárgá badjel. Dasa lassin oaččui son johttipokála buoremus Finnmárkku eaiggáduvvon galbmavaragis.

Heastta eaiggádeaba Amy Linnea Solbakken Rasmus (8) ja Tor Stian Stenbakk Rasmus (11), geat leaba SÁMi ođasmagasiinna redaktevrra Anne Rasmusa mánát.

– Son gilvalii bures goappašagaid gilvvuin ja vuittii oalle álkidit. Muhto mii leat bargan ollu dainna heastan dan rájes go bođii min lusa guovvamánus dán jagi. Son lei ráfeheapme ja “báhkas oaivvis”, muhto orro ráfodan dál. Dán oktavuođas ferten beare rámidit Kaisa, gii dikšu su. Son leamaš issoras čeahpi ja gierdevaš suinna ja son hirpmástuhttá mu čađat, go dát ii leat mihkkige álggahalliid heasta. Muhto son orro hálddašeamen hástalusaid bures. Mus ledje oalle alla vuordámušat dán hestii álggos, muhto oidnen jođánit ahte dárbbašii ollu eambo áiggi sajáiduvvamii, muhto mii illudit joatkit suinna bargat viidáset, lohká Solbakken, gii maiddái deattuha ahte báikkálaš gilvvut leat deháleamos oassin doalvevaláštallamii, vaikko lea unnit oasálastin, muhto dehálaččat sihke heasttaide ja heastadolliide, ja maiddái ođđa heastaeaiggádii oččodeapmái.

Ášši joatkašuvvá gova vuolde.


GUOKTE JOHTTIPOKÁLA KÁRÁŠJOHKII: (gurut bealde) Simone Pettersen, Siren Vonka Danielsen, Nils Egil Gaup ja Lill Tove Somby, Kaisa Malene Guttorm ja Kristian Solbakken ožžot iešguđet johttipokálaid. Priváhta govva

Bohtosat:

1.Gilvu Galbmavaragat RP 1640m

Vuoittut: 7.000-4.000-3.000-2.000-1.500-(1.200) kr.

Sadji   Mátki Áigi Eaiggát Vuoddji
1.Mirasar  1660m 1:31,6 Amy L. S. Rasmus & Tor Stian S. Rasmus Kristian Solbakken
2.Gikling Balder 1700m 1:29,6  Mattias Berglund Stian Pettersen
3.Lykkje Snert 1680m 1:31,6 Mattias Berglund Mattias Berglund
4.Mjølner Kari  1660m 1:33,2g Mattias Berglund Stina Sjöberg

                                           

2.Gilvu Lieggavaragat RP 1640m

Vuoittut: 7.000-4.000-3.000-2.000-1.500-(1.200) kr.

Sadji Mátki Áigi Eaiggát Vuoddji
1.Knight’s Tia  1660m 1:22,7  Lill Tove Somby & Anja M. Niittyvuopio Stian Pettersen
2.Tami Mosebo 1660m 1:22,8 Lill Tove Somby & Nils Egil Gaup Bjørge Pedersen
3.Lindy Match 1660m 1:24,4g Randi Nystad & Biret Inga G. Somby Kristian Solbakken
4.Ortopedia  1660m 1:24,9g Berglund & Sjöberg Mattias Berglund
Eret Living Forest        
Eret Federal Genius        

                                                                          

3.Gilvu Galbmavaragat báikkálašgilvu 1640m

Vuoittut: 5.000- 2.500- 1.750- 1.250-1.000-(1.000) kr.

Sadji Mátki Áigi Eaiggát Vuoddji
1.Mirasar  1660m 1:32,7  Amy L. S. Rasmus & Tor Stian S. Rasmus Kristian Solbakken
2.Dæmro Gutten  1660m 1:32,9g Ture Jensen Bjørge Pedersen
3.Mjølner Kari 1660m 1:35,7gR  Mattias Berglund  Mattias Berglund
4.Horgen Azorea 1640m 1:39,8R Kristin Andersen Marlen Øvregård
5.Valle Tuva 1640m 1:40,0R  Arnt Pettersen Simone Pettersen

 

4.Gilvu Lieggavaragat báikkálašgilvu 1640m

Vuoittut: 5.000- 2.500- 1.750- 1.250-1.000-(1.000) kr.

Sadji Mátki Áigi Eaiggát Vuoddji
1.Tami Mosebo  1700m 1:22,4 Lill Tove Somby & Nils Egil Gaup Toralf Nystad
2.Knight’s Tia 1680m 1:23,7 Lill Tove Somby & Anja M. Niittyvuopio Stian Pettersen
3.Red’s Lady  1640m  1:26,2 Siren V. Danielsen & Jin-Marie Bakke Bjørge Pedersen
4.Ortopedia 1680m 1:25,4g   Berglund & Sjöberg Stina Sjöberg
Eret Love Of Order        

 

5.Gilvu Galbmavaragat monté (doalveriiden) 1180m

Vuoittut: 2.000- 1.000- 700- 500-500-(450) kr.

Sadji Mátki Áigi Eaiggát Vuoddji
1.Gikling Balder 1200m 1:35,5 Mattias Berglund Stina Sjöberg
2.Lykkje Snert 1180m 1:38,1 Berglund & Sjöberg Maria Sjöberg
3.Valle Tuva 1180m 1:40,6g Arnt Pettersen Silje M. Pedersen
Eret Horgen Azorea        

 

6.Gilvu Lieggavaragat monté (doalveriiden) 1180m

Vuoittut: 2.000- 1.000- 700- 500-500-(450) kr.

Sadji Mátki Áigi Eaiggát Vuoddji
1.Red’s Lady 1180m 1:28,2 Siren V. Danielsen & Jin-Marie Bakke Cecilie Pedersen
2.Lady Goldstern  1200m 1:28,5 Simone Pettersen Simone Pettersen
Eret Cold Seashell        
Eret Living Forest        
Eret Federal Genius        
Eret Simoni’s Geisha        

 

Ponnigilvu vuođđomátki 1640m

Sadji Mátki Áigi Eaiggát Vuoddji
1.Kålmans Pense 2040m 2:08,7 Christine M. Nielsen Christine M. Nielsen
2.Queen G.  1660m 2:39,3g Andrine C. Alme  Andrine C. Alme 
3.Dalumsvinni 1640m 2:41,6g Lene Brustad Madelen Dervola Johnsen