Ođđa Sámedikkiráđđi lea almmuhuvvon. Aili Keskitalo (gasku), Silje Karine Muotka, Henrik Olsen ja Mikkel Eskil Mikkelsen leat NSR bealis ráđis. Johttisápmelaččaid listtu Berit Marie E. Eira (olgeš ravddas) ja Åarjel-Saemiej Gïelh Ellinor Marita Jåma (gurut ravddas) juogadeaba ráđđelahttu saji. Govva: Marion Aslaksen Ravna

Dá lea ođđa Sámedikkeráđđi

Njeallje lahttu Norgga Sámiid Riikkasearvái ja okta lahttu juhkkon guovtti bellodahkii. – Dehálaš gudnejahttit guhkes ovttasbarggu JSL:in.

Ovttasbargobellodagat Norgga Sámiid Riikkasearvi, Guovddášbellodat, Åarjel-Saemiej Gïelh ja Johttisápmelaččaidbellodat ovdanbukte vuossárgga ovttasbargošiehtadusa váldočuoggáid. Ođđa sámediggeráđđi maid almmuhuvvui, ja leat dat ráđđi man Keskitalo evttoha jus válljejuvvo presideantan duorastaga. Duorastaga leat sámedikkis siskkáldas posišuvdnaválggat. Dán čállá Ávvir áviisa.

Aili Keskitalo, Silje Karine Muotka, Henrik Olsen ja Mikkel Eskil Mikkelsen leat NSR bealis ráđis, viđát ráđđelahttu lea juhkkon guovtti lahttui.

Johttisápmelaččaid listtu Berit Marie E. Eira ja Åarjel-Saemiej Gïelh Ellinor Marita Jåma juogadeaba ráđđelahttu saji. Eira lea ráđđelahttu vuosttaš guokte jagi, ja Jåma fas čuovvovaš guokte jagi.

Ovttasbargobellodagat leat ain bargame politihkalaš vuođđodokumeanttain, man ovddidit presideantta válggaid oktavuođas duorastaga.

Golbma bellodaga ráđis, njeallje bellodaga ovttasbarggus

Ovttasbarggus leat njealje bellodaga, muhto duššo golbma bellodaga leat ráđis.

Guovddášbellodagas ii leat ráđđelahttu, muhto sii nammadit politihkalaš ráđđeaddi, jođihit plána- ja finánsalávdegotti ja jođihit posišuvdnajoavkku siskkáldas vuođđoealáhuslávdegotti.

Ođđa lahtut

Ođđa ráđđelahttu NSR bealis lea Mikkel Eskil Mikkelsen, Viesttarmeara válgabiires. Son lea vuosttaš háve Sámediggái válljejuvvon.

Silje Karine Muotka ja Henrik Olsen leigga goappašagat ovddit NSR ráđis, ja joatkiba dál fas boahtte njeallje jagi.

NSR almmuhii árabut dán mánu ovttasbargoguimmiid, Guovddášbellodat, Guovdageainnu johttisápmelaččaid listu ja Åarjel-Saemiej Gïelh. Sii almmuhedje maid ahte ii šatta čielga NSR ráđđi.

Sámedikki almmolaš rahpan lea gaskavahkku.

Emneord:

Ođđasat

Tags:

Sámediggi

Eai vuollán vel Nussir-áššis

Gonagas stáhtaráđis lea dohkkehan Nussir ASA ruvkedoaibmakonsešuvnna Nussiris ja Gumpenjunis, Riehpovuonas. Sámediggi ja boazodoallit barget ruvkke vuostá ain.

Duodjemárkanat – albma menestus

Dán jagi fitne erenoamáš olu olbmot Sámi stuorámus duodjemárkaniin, mat lágiduvvojit juohke jagi Guovdageainnus. Mii finaimet govveme meassuin.

Sámi gründárat ja fitnodateaiggádat:

Fáhtehalai dáiddavuigŋii

Laila Labba ii riekta diehtán manin háliidii šaddat, muhto maŋŋel go fáhtehalai dáidda-vuigŋii, de diđii ahte háliida iežas dáidaga bokte doarjut ja gáhttet sámi luonddu ja kultuvrra.

LOHKKIIDREIVE - Sámmol Ante, Anders S. Buljo, Ávjovári Johttissápmelaččaid listtu várrelahttu

Johttisápmelaččaid listu duhtavaš evttohusain

KRONIHKKA - KRONIKK

Sámi mánáid vuoigatvuođat leat viimmat guovddážis

Riikarevišuvdna almmuhii maŋŋebárgga raportta sámi ohppiid vuoigatvuođa birra oahpahussii sámegielas ja sámegillii. Revišuvnnas lea čielga sáhka mii muitala ahte oahpahus lea váilevaš. Sámedikkis mii váldit dien konklušuvnna hui duođas, ja dan doaivvun earát maid dahkat.

100 sámi portreahta šattai girjin

3000 miilla miehtá Sámi luoittášii govvideaddji Torgrim Halvari. Ulbmil lei govvet 100 sápmelačča. Dál lea beakkán govvačájáhus “100 sámi portreahta” šaddan girjin.

Dáhttu ásahit Innovašuvdna Sámi

Váilevaš kapitála ja investorat Sámis leat stuora hástalussan sámi ealáhusaide. Danne árvala ge Bargiidbellodaga sámediggejoavku ásahit sierra Innovašuvdna Sámi - ásahusa mii ovddidišgoahtá sámi ealáhusaid.

Doarjja ođđa sámi mánáidgárdeossodahkii Romssas

Sámediggeráđđi lea juolludan 200.000 ruvnnu Sjømannsbyen mánáidgárdái Romssas. Dohko plánejit ođđa sámi ossodaga ásahit.

Sámi gründárat ja fitnodateaiggádat:

Mánnávuođa niegu čuovvumin

Stuorra beroštupmi biktasiidda oaččui Kajsa Kvernmo goarrut alcces biktasiid nuorran ja son niegadii bivttashábmejeaddji ámmáhis. Dál son eaiggáduššá guokte fitnodaga ja lea aiddo almmuhan ođđa sámi bivttasmearkka.

Niko ja Ingá-Máret leaba ođđa Romssa fylkkajuoigi

Niko-Mihkal Valkeapää ja Ingá-Máret Gaup Juuso leaba Romssa fylkkasuohkana ođđa fylkkajuoigi guovttos. – Mii leat oba rápmásat go soai háliideigga šaddat min joavkku oassin. Mii dáhkidit ahte dii beassabehtet olu gullat sudnos. Ii leat go illudit, lohká Tromssa kultur- ja ealáhusfylkkaráđđi Sigrid Ina Simonsen.

Behtohallan go ráđđehus suovvá Nussira álggahit ruvkedoaimmaid

Gonagas stáhtaráđis lea odne dohkkehan Nussir ASA ruvkedoaibmakonsešuvnna Nussiris ja Gumpenjunis Riehpovuonas. Sámediggepresideanta Aili Keskitalo ja sámediggeráđi Silje Karine Muotka leaba garrasit behtohallan.

Riikkarevišuvdna gáibida buoret sámegiel oahpahusa

Skuvllat ja skuvlaeaiggádat leat beare heajut muitalit ahte ohppiin lea vuoigatvuohta sámegieloahpahussii. Gáiddusoahpahus lea menddo heittot ja menddo sámegiel oahpaheddjiid ja oahpponeavvuid váilun heajosmahttá oahpahusfálaldaga. Nu cealká Riikkarevišuvdna raporttastis.

– Ii leat sáhka dušše resursaváilivuođas, muhto maiddái vuoruheames

Sosialisttalaš gurutbellodat dáhttu Stuorradikki jođánit meannudit Riikkarevišuvnna raportta ja dalán buoridit sámegieloahpahusa.

Sámi nissonat ealáhushutkin

Vihtta sámi nissonfitnodatjođiheaddji designsuorggis geat vuvdet miljovnnaid ovddas dán guovllus, leat dáid beivviid leamaš čoahkkanan Romsii. Ovttas Sámedikkiin leat sii ráhkkanan ovttas Oslo Design Fair searvamii borgemánus 2020.

Gielat

Toppmeny

Main menu