Yle Sámi ođasdoaimmaheaddji  Sara Wesslin lea nammaduvvon oktan máilmmi deháleamos nisun. GOVVEN:Päivi Mäkelä

BBC lea nammadan su oktan máilmmi deháleamos nisun

Go BBC jearahalai Yle doaimmaheaddji Sara Wesslin nuortalaččaid ávvudoaluid oktavuođas, de sámi nieida ii goassege ipmirdan oba jurdilitge ahte BBC nammada su oktan máilmmi 100 deháleamos nisun.

– Huh. Gal njuorrasan ja eai leat sánit govvidit, ahte goassige livččen dákkár joavkkus, lohká Sara Wesslin ieš SÁMiođasmagasiidnii.

Deháleamos nissonolbmot

 Sara Wesslin lea Yle Sámi ođasdoaimmaheaddji. Journalistihka lassin 27-jahkásažžii lea giella nu dehálaš, ahte dáhtui oahppat ja geavahit nuortalašgiela sihke árgabeaivvis ja barggus. Son lea nubbi dan guovttos olles máilmmis, gii lágida ođđasiid nuortalašgillii. Barggus geažil son lea dál beassan BBC listui, mas leat 100 máilmmi deháleamos nissonolbmo. Listtus leatearet eará dálkkádataktivista Greta Thunberg ja BBC dáhtošii listtuin čájehit ja jearrat movt máilbmi livččii, jus nissonolbmot stivreše dan.

Dás oainnát BBC listtu.

– BBC doaimmaheaddji jearahalai mu nuortalaččaid 70-jagi ásaiduvvamaávvudeami oktavuođas. Dan jearahallama vuođul de leat mu válljen dán listui. BBC lei čállán, ahte lean váikkuhan Suoma ministeriijaid diđolašvuhtii sámegielaid birra mu iežan barggu bokte. Gal njuorrasan. Dán listui beassan mearkkaša munnje hui olu. Ii leat dán máilmmis diehttelas ášši ahte sáhtát bargat vehádatgillii, 300 hállinuortalašgillii. Munnje justa dat bargu lea máilmmi dehálaš ja ráhkistan bargun. In leat ovdal nammaduvvon gosage, ja dat áinnas addá olu ođđa rámi ja motivašuvnna barggat ain boahttevuođas mu niehkoámmáhis nuortalašgillii, illuda son.

Guokte nuortalašgielat journalistta

BBC čállá ahte Sara Wesslin  lea nuortalašgiel journalista ja ahte sámit leat áidna eamiálbmot EU:s. Sara lea nubbiguovtti journalisttasmáilmmis,gii ovddida ođđasiid nuortalašgillii. BBC maid rámida su go lea váikkuhan nu ahte Suoma oahpahusministtar juolludii ruđa sámi giellaoahpahussii. 

Wesslin ii dieđe sihkkarit maid BBC bargá viidáseappot dahká listtuin. Son ii leat ieš leamaš singuin oktavuođas listta birra. 

– Lean guit hirbmat rámis. Nuortalašgielat ođđasat leat hui dehálaččat. Nuortalašgilli almmustuvai easkka 2013 vuosttas neahttaođas Yles ja dál maiddái tv:s. Máilmmis eai leat go dušše mun ja mu kollega geat barget nuortalašgillii. Dat  addá unna gillii stuorra lávddi ja sávvamis movttiidahttá olbmuid oahpahallat unna giela. Mun geavahan nuortalašgiela iežan barggus ja árgabeaivvis. Beasan lágidit rádiosáddagiid, ođassáddaga ja jearahallat olbmuid. 

Giella dehálaš

Nuortalaš giella lea giella man balle oalát jávkat. Dál leat eanet ja eanet olbmot hállagoahtán giela ja Wesslin lea sihkar ahte nuortalašgiel ođđasat váikkuhit giellaloktemii.

– Ohppen nuortalašgiela rávesolmmožin. Mu bearrašis lea giella jávkan, muhto giela hállit lassánit olles áigge ja beasan geavahit áhkkomet eatnigiela. Boahtteáiggis háliidan giela joatkašuvvatmaiddái mu mánáid bokte, lohká Wesslin.