Tjaebpies gærja åarjelsaemien duedtien bïjre

Akte eevre orre gærja åarjelsaemien duedtien bïjre lea aadtjen båateme. Tjaelijh gegkiestieh gærja sæjhta viehkiehtidh guktie kultuvren aerpievuekieh jåarhkasåvva orre boelvide.


Daate orre gærja lea dïeves baakojste, guvvijste jïh dïejvesijstie åarjelsaemien duedtien bïjre.

Daelie gærjabæjhkoehtimmie. Fïerhte roene Saemien Sijtesne  Snåasene lea dïeves almetjijstie mah ïedtjem utnieh duadtan jïh mah leah diekie båateme juktie meatan årrodh dennie stoerre heannadimmesne. Akte guhkies raajroe kåaveste jïh museumen orre bovrese jåhta gusnie doh barkijh gellie skaavtegh gærjajgujmie guedtieminie, eevre fïerske trygkerijeste.Gosse åestijh aktem jallh njieljie gærjah åasteme akte orre raajroe aalka. Guhkiebisnie tjiehtjielisnie golme dejstie tjaeliejijstie peannine tjahkasjieh juktie sijjen nommh gærjine tjaeledh. Doh golme gujnh leah guhkiem gïehtelamme gærjine, daan biejjien gærja gaervies jïh daelie klæhtoehtieh dah mahte rockenaestine domtoeh abpe nommetjaelemen gaavhtan.

Aktem daerpiesvoetem vööjni


Maja Hilma Dunfjeld Akte åehpies almetje åarjelsaemien duedtien sisnjelen, jïh goh dan tjaebpies gærjan redaktööre lea joekoen madtjeles ihke gærja minngemosth lea gaervies.

Maja Hilma Dunfjeld lea åejvieredaktööre, jïh meatan åtna tjaeliejidie Unni Steinfjell, Nils Arvid Westerfjell jïh Åsta Vangberg. Prosjekte eelki mahte 10 jaepiej juassah gosse Maja åssjalommesem åadtjoeji mænngan vuajneme daerpies raaktan dagkarinie http://samimag.no/se/user/reset/156/1541153917/ioInKhjZCpalyWGTm9PR0-Xfm....

-    Mijjieh gærjine eelkimh 2010, don jaepien aktem studijem eelkimh åarjelsaemien gielesne jïh duedtesne dennie jïlleskuvlesne mesnie barkim. Daan ööhpehtimmiejaepien vööjnim daerpies aktine gærjine goh daate. Dellie ij lij naan gærja gusnie gaajhkh dïejvesh jïh baakoeh duedtien bïjre, jïh mijjieh tjoerimh såemies annjebodts gærjetjh learoehkidie darjodh. Vaallah dan jïjnje lij dorjesovveme mij meehti dejtie ovmessie prosesside vuesiehtidh jïh tjïelkestidh ovmessie myövhkes duedtien bïjre.

- Mubpien jaepien biejjieladtje åvtehkinie eelkim Sijti Jarngesne Aarbortesne, jïh dellie dallah eelkim vierhtiej bïjre syökedh guktie mijjieh meehtimh aelkedh baakoeh, dïejvesh jïh jeatjah bïevnesh tjöönghkedh. Gellie jaepieh vaaseme daam gærjam geervehtidh, jïh joekoen guhkiem gïehtelim vierhtiej bïjre syökedh jïh vielie. Prosjekten galhkuvisnie viehkiem åadtjoejimh Saemien Sijteste trygkemasse jïh vielie, jïh daelie mijjieh minngemosth gaervies jïh dïhte dan joekoen njaelkie domtoe, Dunfjeld tjïelkeste.

Jåerhkeme aerpievuekijste


Biejjieladtje åvtehke Saemien Sijtesne, Birgitta Fossum tjaeliejidie Åsta Vangberg, Maja Hilma Dunfjeld jïh Unni Steinfjell læhkohte dejnie gaervies gærjine.

Redaktöören mietie gærjan ulmie lea viehkiehtidh guktie doh åarjelsaemien kultuvreaerpievuekieh orre boelvide jåarhka. Dunfjeldh veanhta gellie skuvlh jïh institusjovnh mah ööhpehtimmine gïehtelieh duedtien sisnjelen eah elliesvoetem faagesne gaptjh.

- Duedtie ovmessie dïjrh govlesadta hammoen jïh tjaalehtjimmien tjïrrh, men gaatesjen gelliej luvnie daah möönsterh ajve jåarhka goh feegreme, rïesege jïh tjeahpoe. Daate gærja pryövoe lohkijem veelebe buerkiestidh maam mïelide doh ovmessie symbovlh jïh vielie utnieh. Mijjieh saemieh maajetjh aktem bieliem daestie mijjen aerpievuekine utniehtamme, men industrialiseradimmien tjïrrh stoerresiebriedahke lea jïjnjem dehtie goerkesistie dasseme, gidtjh tjaalehtjimmie ij leah ajve feegreme. Gaskem jeatjah pryövebe daam daajroem gorredidh olles eevre gaarvenh, Dunfjeld minngemosth jeahta.