Magasiidna

– Mu dájuhedje mielde filbmemii, inge šat beassan eret

Reindrømmen-nammasaš NRK tv-ráidu lea nammaduvvon evttohassan Gullruten bálkkašupmái. Per Kitti gii lea mielde ráiddus, dovdá dájuhuvvon ja dulbmojuvvon filbmadahkkis ja lea dahkan visot maid sáhttá oččodit iežas govaid eret ráiddus. NRK ii miehtan govaid váldit eret, eaige bala dán šaddat ođđa VG-áššin gos VG šattai šallošit Trond Giskii boasttu dieđuid juohkán.
– Musihkka lea mu terapiija

Masá jápmá vuoiŋŋašvardimii

Badjelaš guokte jagi dassá SÁMi ođasmagasiidna ságastii Sančuari Svein Egil Oskaliin. Dalle son lei vuorddašeame ceavzá go vuoiŋŋašvardima maŋŋá. Sančuari heittii čuojaheames eaige sii joatkán šat ođđa CD:in, maid ledje válbmeme. Dál lea mokta máhccan ja eallima stuorámus illu lea bearaš, luondu ja musihkka.
- SápmiToo dehálaš doaibma

Jávohisvuođas almmolašvuhtii

Dáiddadállu lágidii vahkku áigi SápmiToo. Golmma beaivásaš doaluin celke ahte eai dohkket vuortnuheami, veahkaválddálašvuođa eaige seksuálalaš illasteami.

Sáhtat váikkuhit sámi oahppoplánaide

Dál leat vuođđo- ja joatkkaskuvlla ođđa oahppoplánaárvalusat gulaskuddamis. Nu maiddái sámi skuvlla, sámi gielaid ja sámi parallealla seammaárvosaš oahppoplánat. – Mii háliidit ahte nu olusat go vejolaš buktet gulaskuddancealkámušaid, dadjá sámediggeráđđi Mikkel Eskil Mikkelsen

– Duopmu dehálaš sápmelaččaide

Jurista Láilá Susanne Vars lohká vuoittu Suoma gearretrievttis sáhttit mearkkašit olu sámiide.
Vuite gearretrievttis Suoma stáda vuostá

Duopmu ávkin buot sámi guollebivdiide

Dál lea golihan badjel vahkku dan rájes go Lappi gearretriekti celkkii ahte Kati ja Heidi Eriksena bivdojoavku ii lobihuššan, go bivde Veahčajoga oaggunlobi haga. SÁMi ođasmagasiidna lea fitnan ságastallamin gearretrievtti vuitiiguin, geat sáhttet váikkuhit dasa mot sápmelaččaid guolástanvuoigatvuođat suodjaluvvojit miehtá Sámi.

Isolerejuvvon máilbmi rievdá dál oalát

Fargga rahpasa áibbas ođđa máilbmi Kalaallit Nunaatas. Visot smávva gilážat ožžot govdafierpmádaga ja digitála máilbmi fátmmasta eanaš viesuid. Dat sáhttá leat sihke ávkin ja bahán kalaallisut-gillii, maid doppe hállet.

Sámediggi árvvoštallá geassit Nussira duopmostuolu ovdii

Sámedikki váidda Nussira mearrádusas lea sáddejuvvon ráđđehussii. Sámedigge maid lohká sámi servodat ferte leat gearggus dasa ahte Nussir ášši gesset Norgga duopmostuolu ovdii.

– Mii nagodat eambbo sámegiela oččodit digitála máilbmái

Sámedikkis lea dáhttu nannet sámegiela digitála máilmmis. Bures profilerejuvvon giellabargis ja giellaberošteaddjis Ánne Márjá Guttorm Gravenis ja Romssa teknologiija giellabirrasis lea nana jáhkku ahte sámegielas lea buorre boahtteáigi digitála vuogádagain.

– Mu namma lea Gová-Nils Heaikka Niko

– Jus eatni mielde galggan čilget, de mu namma lea maid Mihku Ánne Niko, muitala son gean varra eatnašat dovdet Niko Valkeapääin.
Fred Buljo muitala iežas musihkkakarrieras SÁMi ođasmagasiidnii

Doalvu luođi Eurohpái

Lei stuora beaivi go Ella Marie Hætta Isaksen vuittii Stjernekamp-gilvvu ja gaskkustii luođi ja sámi musihka olles dáčča álbmogii. Fargga mis lea nubbi stuorra beaivi, go Fred-René Øvergård Buljo ja KEiiNO dolvot luođi olles Eurohpái miessemánu 19. beaivvi. Dalle servet Eurovision Song Contestii Tel Avivas.

– KEiiNO lea buorre giellaambassadevra

Sámediggepresideanta Aili Keskitalo lea ilus go KEiiNO-joavku galgá ovddastit Norgga Eurovision Song Contest lávlungilvvus. Dákko bokte fuomášuhttet sii sámegiela ja sámi kultuvrra, dadjá presideanta.

Vuite MGP - Dál dollejit Israelii

Fred René Buljo ja KEiiNO vuittii Norgga Melodi Grand Prix loahppagilvvuid ja ovddastit Norgga Israelis Eurovision Song Contestas.

Duohta boazosukseassa

Rørosrein AS lea vuollel logi jagis nagodan šaddat okta daid eanemus sukseassafitnodahkan Sámis. Fitnodat álggii guvttiin bargiin ja dál leat fitnodagas 7 ollesáigge- virggi ja fitnodat čađat buvttada ja ovddida ođđa buktagiid.
Girjeárvvoštallan

Ii dát leat dat eana

In leat guhkes áigái dohppen gihtii dakkár girjji, mii livččii hálahan mu dan muddui, go Inga Ravna Eira ja Mathis Nango girji – Ii dát leat dat eana

Váide iežaset lobihis guollebivdin – gárte duopmostuolu ovdii

Anne Nuorgam, Heidi Eriksen, Kati Eriksen ja su 17-jahkásaš gánda Erke Eriksen eai oaidnán eará go lobiheamet bivdit Veahčajoga vai sámi vuoigatvuođat čielggaduvvoše duopmostuolus.

Siiddut