Preassegovva

SVT Sápmi fállá mánáid-tv golmma gillii

Ođđajagimánu 5. beaivvi dii 13.45 čájehuvvo SVT Sámi vuosttaš golmmagielat mánáid-tv buvttadeapmi Hejolojla SVT mánáidkanálas.

Mánáid-tv ráidu lea sihke davvi-, julev- ja máttasámegillii. Vuosttaš guhtta prográmma leat máttasámegillii. 

– Mii leat nu ilus go sáhttit dán ráiddu čájehit. Lea oba dehálaš ahte lea fálaldat buot Ruoŧa sámi mánáide. Mánát galget dovdat ahte sin giella lea dehálaš, lohká SVT Sámi buvttadeaddji Jenny Israelsson Skoglund.

Mánát ohppet bustávaid ja besset čuovvut guokte máná juohke vahku. Maiddái prográmmajođiheaddji ja beatnagat Milou, Mano, Onne ja Tjirre leat mielde mánáid-tv ráiddus.

– Mánáid-TV lea jurddašuvvan mánáide gaskkal 3 ja 6 jagi ja dalle leage hui suohtas stoahkat bustávaiguin. Dieđusge heive dát boarrásat mánáidege, lohká Israelsson Skoglund.

Prográmmajođiheaddji julevsámi prográmmain lea Elina Israelsson. Julevsámi ráidu álgá ođđajagimánu 5. beavvi.

Prográmmajođiheaddji davvisámi prográmmain lea Marit Kuhmunen Blom. Davvisámegiel ráidu álgá guovvamánu 16. beaivvi.

Prográmmajođiheaddji máttasámegiel prográmmain lea ges Tanja Nordfjell. Máttasámegiel ráidu álgá njukčamánu 30. beaivvi.