Gielddaministtar Monica Mæland finadii Sameien Sijttes mannan geasi. Dál juolluda ruđa vai nesset hukset ođđa musea.

- Stuorra beaivi Saemien Sijtii ja Sápmái

Saemien Sijtii beassá viimmat huksegoahtit ođđa vistti. Nu lohpida Norgga Ráđđehus stádabušeahta oktavuođas mii almmuhuvvo vuossárgga.

 

Sámediggeráđđi lea hui ilus dainna go Saemien Sijte viimmat dál oažžu juolludemiid ođđa vistái Snoasai. Odne bođii ovdan ahte ráđđehus áigu stáhtabušeahtas árvalit álggahanjuolludeami Saemien Sijtii, ja ahte visti galgá gárvvis 2021s.

-  Háliidan vuosttažettiin doalvut lihkusávaldagaid Saemien Sijtii ja lullisámi birrasii go viimmat orru Saemien Sijte oažžume ođđa ja árvvolaš visti lullisámiide ja lullisámekultuvrii. Seammás sáhttá maid dadjat ahte otná beaivi lea stuorra illubeaivi olles Sápmái, dadjá Sámediggeráđđi Henrik Olsen preassadieđáhusas.

Lullisámit leat badjelaš 30 jagi bargan oččodit ođđa lullisámi musea ja kulturguovddáža. Sámedikkis lea guhká leamaš nanu politihkaš ovttaoaivilvuohta gaskal bellodagaid ahte Saemien Sijte lea okta dain stuorámus vuoruhemiin Sámedikkis.

Stáhtabušeahtta almmuhuvvo mánnodaga dii. 10. 

Mii finaimet gieskat Saemien Sijtes go gielddaministtar galledii sin. Loga ášši dás.