Son vuovda sihke ekslusiiva duoji ja hálbbit gálvvuid.

Son lágida sámi juovlamárkaniid Oslos

Youngstorget Oslos lágida Jarle Trulsen jahkásaččat Sámi juovlamárkaniid. 10 lávus, oktiibuot 1100 njealjádasmehteris besset oaivegávpoga ássit oastit sámi buktagiid.


10 lávus, oktiibuot 1100 njealjádasmehteris besset oaivegávpoga ássit oastit sámi buktagiid. – Olbmot hirbmasit beroštit sámi kultuvrras, muhto gávdnojit ain olbmot geat jearahit imaš gažaldagaid min birra, lohká Trulsen.

– Beroštupmi Sápmái lassána jagis jahkái ja márkanat leat šaddagoahtán hui beakkán, muitala Jarle Trulsen.

Trulsen lea sápmelaš ja eret Storsteinnesas. Son lea juohke juovllaid oaivegávpogis. Dál lea 12 jagi áigi go vuosttaš geardde rabai sámi juovlamárkaniid oaivegávpogii. Daid vuosttaš jagiid ledje márkanat ráđđeviesu olggobealde, ja moadde jagi ledje ges márkanat Karl Johan gáhtas. Njeallje maŋimuš jagi leat márkanat leamaš Youngstorggas.


Guovdu Youngtorgga gávnnat juovlamárkaniid dán mánu 22. Beaivvi radjai.

– Dáppe lea vaikko mii, eksklusiiva duodji, duoljit ja bohccobiergu. Eanaš gálvvuin viežžat Norggas,Ruoŧas, Suomas ja eará sajiin gos gávdnat kvalitehta gálvvu, čilge Trulsen.

  – Beroštupmi lassána


Vávváid ja čoarvebuktagiid vuovdá Jarle Trulsen bures juovlamárkaniin.

Jarle gávppis leat sihke ođđa ja fásta kundarat geat fitnet. Son lohká beroštumi lassánit, ja olbmot ipmirdišgohtet sámi kultuvrra eanet. Lihkká lohká ain jerret dakkár ártegis gažaldagaid sámi kultuvrra ja eallima birra.

– Sámi musihkka lea leamaš hirbmat beakkán daid maŋimuš jagiid, ja dovdu ahte olbmot liikojit sámi kultuvrii ja dáhttut eambbo oahpásnuvvat. Lihkká vásihan gal olu diehtemeahttunvuođa ja muhtimat jerret orrot go viesuin ja lea go mis elrávdnji. Leat ollosiid gean ferte ain oahpahit, lohká Trulsen.

Maŋimuš vahkut lávejit buori

Go SÁMi Ođasmagasiidna galleda juovlamárkaniid, de olbmot jámma guovlalit lávuin. Trulsen lohká maŋimuš vahkut ovddabealde juovllaid dat fitnet eanemus olbmot. Márkaniid rabai guovvamánu 16. Beaivve ja Trulsen čuččoda Youngstorggas dán mánu 22. Beaivi, ovdal go son ja bargoveahka dollejit fas davás.

– Lean máŋggaid juovllaid ávvudan guorbmebiillas ruoktut jođidettiin, muhto dát eallin šaddá eallinvuohki ja lea maid hirbmat suohtas ná johtit, lohká son.