PERSOVDNASUDDJENJULGGAŠTUS

PERSOVDNASUDDJENJULGGAŠTUS

Sámi magasiinna ja gullevaš publikašuvnnaid ja bálvalusaid várás.

 

Sámi magasiidna (SM) atná deaŧalažžan suodjalit ja gudnejahttit du persovnasuddjema. SM gieđahallá heaggadieđuid persovdnačuvgehuslága ja iešguđege áigái gustojeaddji láhkamearrádusaid mielde. Dát persovdnasuddjenjulggaštus válddaha guđe heaggadieđuid mii oažžut ja čohkket go don anát digitála publikašuvnnaid ja vuollásaš bálvalusaid maid SM almmustahttá (dát gusto maiddái ”digitála čovdosiidda”), ja maid mii dahkat suodjalan dihtii du heaggadieđuid.

SM ávžžuha du oahpásmuvvat bures dán persovdnasuddjenjulggaštussii. Go válddát atnui min publikašuvnnaid ja bálvalusaid, de mieđat min gieđahallamii heaggadieđuid dán persovdnasuddjenjulggaštusa mielde ja daid rámmaid siskkobealde mat čuvvot gustojeaddji láhkamearrádusain.

1  GIEĐAHALLANOVDDASVÁSTIDEADDJI 

Sámi magasiidna (SM) lea ovddasvástideaddji heaggadieđuid gieđahallamis digitála publikašuvnnaid ja vuollásaš bálvalusaid oktavuođas maid SM almmustahttá.

2 HEAGGADIEĐUT

2.1 Čuvgehusat maid don ieš attát midjiide

Sámi magasiidna (SM) gieđahallá heaggadieđuid maid don attát go logahalat (registreret) midjiide ja dieđuid maid don eaktodáhtolaččat attát, ovdamearkan go ásahat geavaheaddjiprofiilla, attát čuvgehusaid nama, čujuhusa, e-poastačujuhusa, mobiilanummira, agi ja vejolaččat eará beroštumiid birra.  

2.2 Čuvgehusat maid SM čohkke go don anát min bálvalusaid

Go don anát digitála publikašuvnnaid ja vuollásaš bálvalusaid, de logahallá Sámi magasiidna (SM) iešguđege lágan analiisaneavvuid veagas maid don dagat. SM čohkke maiddái informašuvnna ovttadagas man don anát go oahppalattat min digitála čovdosiid, ovdamearkan informašuvnna IP-čujuhusas, operatiivavuogádagas, neahttaloganis ja fierpmádagas.

SM čohkke viidáseappot informašuvnna anus ja trafihkas, ovdamearkan informašuvnna sisaloggenhistorihkas, geavahan- ja navigašuvdnaminstariin, guđe artihkkaliid geavaheaddjit lohket, man gallii artihkkalat čájehuvvohit ja man galle geavaheaddji leat. SM čohkke maiddái informašuvnna ođasreivedoallamis, mii sisdoallá makkár ođasreivvet sáddejuvvojit dutnje, guđemuččat rahppojuvvojit, guđe e-poastaklientta don anát, gos don leat go rabat ođasreivve ja maid don deaddilat dáin e-poasttain.

Juos anát báikáivuođđuduvvan bálvalusaid, de sáhttá Sámi magasiidna (SM) čohkket ja gieđahallat čuvgehusaid du sajádagas. SM dieđiha dutnje vásedin ja bivdá miehtat ovdal go mii čohkket dakkár informašuvnna. Don sáhtát goas ihkinassii geassit ruoktot du miehtamat gustojeaddji láhkamearrádusaid mielde.

2.3 Earenoamážit cookis anu birra

Min digitála čovdosiin mii atnit informašuvdnakápseliid, dajahus cookies. Dárkilet dieđuid dáfus, geahčas http://samimag.no/se/content/cookies

Fuopmáš ahte go Sámi magasiinna (SM) geavahat, de buorrindohkkehat min informašuvdnakápseliid (cookies) anu.

3 MASA MII HEAGGADIEĐUID ATNIT 

SM atná du addin heaggadieđuid vái sáhttá addit dutnje daid bálvalusaid maid dihtii don leat logahallan (registreren) iežat ja vái sáhttá gulahallat duinna dáid birra. Viidáseappot čohkket ja gieđahallat informašuvnna go geavahat min bálvalusaid nu mo válddahuvvon bajábealde vái sáhttit heivehit sisdoalu ja virttásmahttit almmuhusaid geavahusa ja jáhkuid vuođul mat vuođđuduvvet oidimiidda, analiiset márkansojuid, buoridit min publikašuvnnaid ja bálvalusaid ja eastadit ja iktit vearrutgeavaheami.

3.1 Persovdnaprofiillat

Muhtimin SM veardádallá heaggadieđuid maid dus leat ožžon eará gálduid dieđuiguin. Sáhttit ovdamearkan veardádallat du addin abonnementadieđuid ja čuvgehusaid nama ja čujuhusa birra dieđuiguin guđe publikašuvnnaid ja preantaloguid don geavahat, sisaloggenhistorihkain dahje dieđuiguin du geavahanministara birra. Dát dieđut organiserejuvvojit persovdnaprofiilan ja ovttastahttojuvvojit krypterejuvvon (suollemas) ja anonymiserejuvvon (namahis) geavaheaddji-id:in. Viidáseappot segmenteret dakkár persovdnaprofiillaid meroštallojuvvon segmeanttaide. SM dahká dán vái sáhttá heivehit min sisdoalu, dahkat almmuhusaid ja márkanfievrridanátnumušaid ulbmillažžan dutnje, ja vái sáhttá viidásetovddidit min digitála publikašuvnnaid ja gullevaš bálvalusaid.

3.2 Márkanfievrrideapmi

Sámi magasiidna (SM) atná heaggadieđuid addin dihtii dutnje informašuvnna ja márkanfievrrideami publikašuvnnaid ja bálvalusaid birra main don sáhtát beroštuvvat čuvgehusaid vuođul maid don ieš leat addán dahje čuvgehusaid vuođul maid SM lea čohkken min digitála bálvalusaid (persovdnaprofiillaid) bokte.  

Juos leat dahje leat leamaš abonneanta, geahččalanabonneanta dahje leat logahallan geavaheaddjiprofiilla eará láhkai, nu go ovdamearkan ođasreivve vuostáváldima bokte, de sáhtát eavttuid bokte leat miehtan vuostáváldit elektrovnnalaš kommunikašuvnna ja márkanfievrrideami kunddarin, ja SM sáhttá dalle sáddet dutnje átnumušaid miehtama vuođul man don leat addán. SM sáhttá muđui sáddet dutnje márkanfievrrideami elektrovnnalaččat, nu go ovdamearkan e-poastta ja sms bokte, gáibádusaid mielde mat čuvvot gustojeaddji láhkamearrádusaid, dassážii go don ieš dieđihat ahte dakkár kommunikašuvnna ii šat hálit. Don sáhtát goas ihkinassii várašit dakkár átnumušaid vuostá.

Juos it leat logahallan geavaheaddjiprofiilla min luhtte dahje addán iežat oktavuođadieđuid kunddargaskavuođa bokte, de sádde SM dušše ođasreivviid ja elektrovnnalaš márkanfievrrideami juos don nammejahkii leat miehtan vuostáváldit dakkár átnumušaid.

4 HEAGGADIEĐUID ADDIN

Heaggadieđut mat SM:s leat du birra sáhttet dahkkojuvvot fidnenláhkai eará gávpeservviide min konsearna siskkobealde, ja daid gávpeservviide mat soahpamuša mielde ovddastit min publikašuvnnaid ja gullevaš bálvalusaid teknihkalaš dahje administratiiva doaimma. Go SM addá goalmmátosolaččaide heaggadieđuid fidnenláhkai dáinna lágiin, de fuolaha SM ahte dát goalmmátosolaččat doahttalit min gáibádusaid heaggadieđuid gieđahallama dáfus ja gustojeaddji láhkamearrádusaid mielde. Heaggadieđut sáhttet maiddái addojuvvot juos dasa lea láhkavuođđu dahje juos duopmostuollu dahje eará almmolaš eiseváldi rávve SM:a nu dahkat.

Sámi magasiidna (SM) sáhttá velá addit goalmmátosolaččaide akkumulerejuvvon ja anonymiserejuvvon dataid fidneláhkai.  

5 SÁMI MAGASIINNA (SM) GIEĐADALLAN HEAGGADIEĐUID   

Dušše SM:a autoriserejuvvon bargiin lea heaggadieđuid fidnenláhki. Heaggadieđuid fidnenláhki lea sihkkarastojuvvon beassandárkkistusa ja beassansáni bokte. SM atná avanserejuvvon teknologiija hehtten dihtii buiga guoskevašmeahttumiid beassamis min vuogádagaide.

Sámi magasiinnas (SM) leat čálalaš rutiinnat siskkáldasdárkkistusa ja informašuvdnadorvvu birra sihkkarastin ja dokumenteren dihtii ahte min gieđahallan heaggadieđuid dáhpáhuvvá gustojeaddji láhkamearrádusaid mielde.  

Du heaggadieđut vurkejuvvojit dušše nu guhká go mis lea áššáiguoskevaš dárbu dan dahkat dán persovdnasuddjenjulggaštusa ja muđui gustojeaddji láhkamearrádusaid mielde. Go áššáiguoskevaš dárbu ii leat šat, de čuvgehusat sihkkkojuvvojit dahje anonymiserejuvvojit.

6  DU VUOIGATVUOĐAT

Dus lea álelassii vuoigatvuohta oaidnit čuvgehusaid mat leat logahallojuvvon du birra ja don sáhtát gáibidit divvut dahje sihkkut daid gustojeaddji láhkamearrádusaid mielde.

7  DÁN PERSOVDNASUDDJENJULGGAŠTUSA NUPPÁSTUHTTIN 

Sámi magasiidna (SM) sáhttá dárkkistit dán persovdnasuddjenjulggaštusa go heaggadieđuid gieđahallan nuppástuhttojuvvo dahje go dárkkisteapmi lea dárbbašlaš gustojeaddji láhkamearrádusaid nuppástusa geažil. Go SM rievdadallá dán julggaštusa, de rievdada SM dárkkistandáhtona dán siiddu bajimusas, ja nuppástuhttojuvvon persovdnasuddjenjulggaštus gustogoahtá maŋimus dárkkistandáhtona rájes. SM oainnálmahttá stuorát nuppástusaid bures, muhto neavvu du lohkat persovdnasuddjenjulggaštusa jeavddalaččat go oahppalattat min digitála čovdosiid. Lassin mii vurkkodit persovdnasuddjenjulggaštusa ovddeš veršuvnnaid arkiivvas vái don álkit gávnnat daid. 

8 ÁTNUMUŠAT 

Juos háliidat oažžut eambbo informašuvnna das mo mii gieđahallat heaggadieđuid, de sáhtát minguin váldit oktavuođa dáppe: info@samimag.no