Mama Sara, Gutnel Biret Sara Buljo illuda veahki ovddas man finte. Govven: Anne Biret Anti

Oažžu ruhta- čoagginveahki skuvlamánáin

Leavnnja mánáidskuvla čoaggá ruđa Mama Sara skuvlii Tanzaniai. Mama Sara illuda.

– Nu de illudan. Ferten iešge vuolgit Levdnjii, go Leavnnja mánáidskuvllas lea rabas beaivi. Doppe vuvdet dávviriid, maid ieža leat ráhkadan, káfe, gáhkuid ja eará herskuid. Sisaboahtu manná Mama Sara masaimánáid oahpahusfondii ja velá Kirkens Bymisjon TV-akšuvdnii, rámida Mama Sara, Gutnel Biret Sara Buljo.

Bearjadaga Leavnnjas lea rabas skuvla gaskkal 09:00 ja 12:00.

– Sávan šávihit olbmuid dohko. Ferten duođasge gal sin rábmot. Lea guđát dahje čihččet jagi go rabasbeaivvi sisaboahtu boahtá ávkin maiddái Mama Sara oahpahusfondii. Justa dál lean čoaggime ruđa áiddi cegget birra skuvlla, ja ferten giitit ohppiid ja oahpaheddjiid. Sávan eará ge sámi skuvllat fuomášit dán dahkat, veahkehan dihte skuvlaoappáid ja vieljaid Tanzanias, lohká Mama Sara.