Mii – Gos – Goas? 24 - 31.08

SÁMi ođasmagasiidna muitala juohke háve juoidá, mii ovddos guvlui dáhpáhuvvá Sámis! Bures boahtin min “Mii – Gos – Goas?” spáltii!

VALÁŠTALLAN

25.08 dii 13-16:00 Mánáid ja nuoraid sihkkelastimat

Seastinbáŋku lágida mánáid ja nuoraidsihkkelastimiid Mázes.

Vuolgga lea diibmu 13 E45 guoras davábeal Máze turistaguovddáža, jur boaresgeainnu

luoddaearus. 

Áiggi mihtidit dušše ovddalgihtii dieđihuvvon sihkkelastiin ja sis geat leat riegádan 2007:s ja árabut. Pinsa ja diploma juhkkojuvvo buohkaide geat oassálastet.

Jus leat 13 jagi dahje boarrásat de ferte dus leat liseansa. Ovtta háve liseanssa sáhtát oastit vuolggasajis 50 ruvdnui. Jus dus lea birrajagi liseansa, de čájehat dan.

Mánáide lea sihkkelastin ges Máze skuvlla luhtte diibmu 13 rájes. Lea nuvttá searvat ja buohkaide lea vuoitu.

25.08 dii 10-18:00 Bingesrittet 2018

Bingessihkkelastimat leat meahccevuodjimat boares luoddaráigge Mieronis Mázii, Guovdageainnu suohkanis.  Máze gilisearvi, Mieron gilisearvi ja Binges-sihkkelsearvi dat lágidit 53,5 km meahccevuodjimiid Finnmárkku duoddaris.

Eanet dieđut: www.bingesrittet.no.

 

RAHPAN

30.08 10-15:00 Kulturbálgá rahpan Sáltoduoddaris

Sámediggi bovde kulturbálgá rahpamii Sáltoduoddarii. Guhtta sámi kulturmuittu E6 guoras leat galbejuvvon ja heivehuvvon gehččiide. Rahpama oktavuođas lágiduvvo maid seminára bihtánsámi historjjá birra.

Báiki:  Nordland nasjonalparksenter, Storjord, Saltdal.

Prográmma Auditoriijas

10.00. Sámedikki presideanta Aili Keskitalo rahpá seminára ja
Mats Pavall guoimmuha

10.15. Marit Myrvoll, Várdobáikkis, logaldallá bihtánsámi historjjá birra

 Báiki: Roparneset

11.00. Kulturbálgá rahpan: Elisabeth Misvær ja Andrej Stepanov čuojaheaba ja sámediggepresideanta Aili Keskitalo sárdnu.

Olles prográmma: https://www.facebook.com/events/1600503003393920/

 

Saemiedigkien gïelereforme «Gïelelutnjeme»

29.08 kl. 13-15:00 Hotelle, Snåasa.

Saemiedigkie aktine guhkiebasse gïelebarkojne gïehteleminie – Saemiedigkien gïelereforme «Gïelelutnjeme». Gïelelutnjeme akte ellies jïh tjïelke barkoe saemien gïeline gaajhkine siebriedahkesuerkine, jïh akte bielie dehtie guhkiebasse barkoste NBS:ste 2016:18 Vaajmoegïele.

Daelie Saemiedigkie datnem birrie lahtestimmiejgujmie båetedh daan gieltegs barkose. Saemiedigkie ræhpas tjåanghkojde böörede gusnie Saemiedigkiepresidente sæjhta barkoem Gïelelutnjeminie åehpiedehtedh.

Tïjje jïh sijjie: mïetsken 29. b. ts. 13-15.00, Hotelle, Snåase. Tjåanghkoe beapmojne aalka ts. 12.00. 

Jis sïjhth meatan årrodh bïeljelh diekie: kirsten.appfjell@samediggi.no
Gosse bïeljelh datne sïjhth meatan årrodh, soptsesth mejtie beapmoem sïjhth jïh jis dov naan beapmoeallergijh.

 

JUBILEA

24-25.08 dii 15-03:00 Ávvira 10 jagi ávvukonsearta

Ávvir ávvuda 10 jagi ávvukonsearttain, maid sii lágidit ovttas Guovdageainnu Thon hoteallain. Ovdal konseartta lea quiz-gilvu olggobealde hotealla ja doppe lea guossuheapmi ja soames eará ge suohttasat, maid birra eai muital ovddalgihtii, gelddolaš!  Gávcci sámi artistta juiget, lávlot ja čuojahit ávvudoaluid lávddis.