Preassagovat

Mii – Gos – Goas? 11.-18.05

SÁMi ođasmagasiidna muitala juohke háve juoidá, mii ovddos guvlui dáhpáhuvvá Sámis! Bures boahtin min “Mii – Gos – Goas?” spáltii!

KURSA

11.05 dii. 18-20:30 Báikkálašhistorjjá kursa Plassje museas.

Gákteseminára

15.5 dii. 18-20:00 lágida Oslo Duodji/Duodjeinstituhtta gákteseminára Oslo Sámeviesus.

KONFERÁNSA

14.05 dii. 11-23:00 SNOW 18 – Mátkeealáhuskonferánsa Álttá Scandic-hoteallas.

Movttiidahtti ja ávkkálaš logaldallamat, paneladigaštallan ja buohtalas logaldagat. Boađe guldalit mo Innovašuvdna Norga sihkkarastá ceavzilis mátkeealáhusa, luondduvásáhusat eksportagálvun, Aispot birra, makkár ávki lea ceavzilis mátkkoštanmihtuin, mii lea birasmearkun, birra jagi mátkeealáhus ja ollu ollu eará. Snow-konferánssa lágida «Arena Lønnsomme Vinteropplevelser», ovttasbargiiguin NordNorsk Reiseliv ja UiT Norgga árktalaš universiteahtta.

GIELLA

Boađe duhkoraddat

15.05 dii.17-18:30 Sámi giella- ja kulturguovddážis Porsáŋggus.

ČOAHKKIMAT

Jahkečoahkkin KMK

11.05 dii. 17-20:00 lágida Kárášjoga Mohtorsearvi jahkečoahkkima.

Dábálaš jahkečoahkkináššit. Áššit mat galget gieđahallot jahkečoahkkimis fertejit sáddejuvvot stivrii ovdal miessemánu 4.b.

Suoma Sámi Nuoraid jahkečoahkkin

18-20.05 dii. 18:00 Holiday Village Valle Ohcejogas.

Suoma Sámi Nuorat bovde sámenuoraid jahkečoahkkimii Lomakylä Vallei Ohcejohkii.

Dieđiheapmi maŋimuštá 13.5.2018. Suoma Sámi Nuorat mákset borramuša ja idjadeami buohkaide geat leat máksán miellahttuvuođa ovdal jahkečoahkkima.

Ođđa stivra válljejuvvo, njuolggadusat ođasmahttojit ja rehketdoallu dohkkehuvvo.

Lágiduvvo maiddái bargobádji Gáregasnjárgga Moratoria oktavuođas ja guossohuvvojit oktasaš mállásat.

Gávnnat eambo dieđuid Suoma Sámi Nuorat facebook siiddus.

LOGALDALLAMAT

Bohccuid dearvvašvuohta

14.05 dii. 08.45 rájes Suoma áiggis Anáris. ELT Sauli Laaksonen doallá logaldaga bohccuid buozalmasvuođaid ja dearvvašvuođa doalaheami birra.

Logaldallan lea rabas ja nuvttá buohkaide.

TEÁHTER

Giđđadulvi VII - Sámi Natiounálateáhter

12.5 kl 21.00 Blue X, Deanus

16.05 dii. 20-22:00 Oslo Sámeviesus

18.05 dii.20-01:00 Antikstores Leavnnjas

Sámi Našunálateáhter johtá giđđaguoimmuhemiin jo čihččet geardde. Dán vuoro teavsttaid lea čállán Knut Nærum. Čájálmas lea sámegillii.

Suohttasat bistet sullii 45 minuhta, dasto lea boddu ja nubbi oassi de bistá sullii 40 minuhta.

Bagadallan: Rolf Degerlund
Neavttárat: Egil Keskitalo, Mary Sarre, Ingá Márjá Sarre, Anja Bongo Bjørnstad.
Musihkkár: Roger Ludvigsen.
Jietnateknihkkár: Olav Johan Eira

Emneord: