Govven: Øivind Möller Bakken ja Sven Gj. Gjeruldsen, Gonagaslaš hoavva.

Máret Ánne dáidda lea dál dronnega hálddus

Norgga Gonagas šloahtta dieđiha neahttasiiddustis ahte Máret Ánne Sara dáidda, mii gullá Pile o’Sápmi čoakkáldahkii dál lea oaidnimis Dronnet Sonja Dáiddastállas.

Pile o’Sápmi lea Máret Ánne Sara dáiddalaš ja politihkalaš prošeakta, mainna muitala movt bearaš šaddá doarrut Norgga eiseválddiid vuostá, go eai suova sin eallit árbevirolaččat. Máret Ánne Sara dáidaga ja máŋga eará sámi dáiddára bargguid lea vejolaš oaidnit Dronnet Sonja KunstStallen nammasaš dáiddagalleriijas.

Máret Ánnes lei eaktu, vai mieđai čájehit dáidaga Dronnega galleriijas. Son gáibidii beassat deaivvadit dronnegiin čilgen dihte dilis. Árabut dán jagi bovdejuvvui ge Máret Ánne Gonagaslaš šlohttii ja beasai dronnegii muitalit diliset birra.