Gudnejahttojuvvon Paul Robeson -bálkkašumiin

Sámi artista ja aktivista Mari Boine lea gudnejahttojuvvon 2019 Paul Robeson -bálkkašumiin.

Bálkkašupmi geigejuvvo jahkásaččat artistii, gii lea ovddidan kultuvrralaš máŋggabealátvuođa positiiva vuogi mielde. Bálkkašumis lea vuolggasadji Paul Robesona eallimis. Son lei amerihkálaš atlehta, lávlu, neavttár ja aktivista.

Jury čállá Boine ánssášit bálkkašumi go son lea “searvan ja geavahan namas ja jienas rasismma vuosttildeames”.

Earet eará lea Erik Bye, Anne-Cath. Vestly ja Robert Stoltenberg leat ožžon dán bálkkašumi, čállá Nettavisen.