Preassagovva

– Eat dárbbaš čuovvut ON gohččuma

ON:a Nállevealahanlávdegoddi (CERD) ávžžuha mearrádusastis juovlamánu 10. beaivvi 2018 Norgga dalán bissehit bieggamillohuksemiid Åarjel Fovsen Sijte guohtuneatnamiin. Ráđđehus advkáhta ii loga Norgga dárbbašit dán čuovvut.

- Dát leat hirbmat buorit ođđasat, Dát lea vuosttaš vuoitu min rahčamušain loahpalaččat bissehit bieggamillohuksemiid Fovsen-Njaarkes. Vuorddán ahte Norga dalán bearráigeahččá ahte huksenbarggut bissehuvvojit dassái go ON Nállevealahanlávdegoddi lea meannudan min váidaga ja loahpalaš mearrádus boahtá, logai Sámiráđi presideanta Åsa Larsson Blind. birrasiid vahkku áigi.

Dál čállá adressa.no ahte Ráđđehusa advkáhta ahte Norga ii leat geatnegáhttun čuovvut ON gohččuma. Ášši ii leat vel oba geargan ge riektevuogádagas, lihkká lea Fosen Vind DA ožžon lobi álggahit huksemiid juo 2016:s. Vaikko Sámiráđđi vuordá ahte Norgga ráđđehus doahttala ON:a mearrádusa ja bearráigeahččá ahte Fosen Vind dalán heaitá huksemis bieggamillopárkka, de lohká advokáhta ná:

- ON ii sáhte Norgga bágget. Norgga duopmostuolut sáhttet dan, muhto dieđusge stáhta árvvšotallá galgá go dán ávžžuhusa čuovvut, lohká Ráđđehus advokáhta Marius Emberland Adresseaviisii.

Guovvamánu 11. beaivvi radjai galga Norga vástidit doahttalitgo go ON gohččumii.

Emneord: