Ávvudedje stáhtaministariin, dronnegiin ja ruvdnoprinssain

Oslo sápmelaččat besse gonagaslaččaiguin ja stáhtaministtar Erna Solbergain ovttas herskostallat ja ávvudit Sámi álbmotbeaivve.
GOVVEN: OSLO RÁĐĐEVIESSU


Ane Finbog, Per Nymo ja eará sápmelaččat besse gonagaslaččaiguin ovttas herskostallat ja ávvudit Sámi álbmotbeaivvi Oslos. – Buoremus ávvudeapmi dán rádjai. Ruvdnoprinssain hálešteimme gávpotsámi dilis, identitehtas ja maiddái priváhta áššiin, illudii Sámi álbmotbeaivvi lávdegoddejođiheaddji Ann Finbog Facebookas.


Sámi mánát lávlo, Oslo Ráđđeviessu lei levgen sámi ivnniiguin, Ánde Somby juoiggai ja Oslo sátnejođiheaddji sávai lihkku beivviin. Oslo Ráđđeviesu ledje deavdán gávttehasat ja sii ávvudedje dronnet Sonjain ja Ruvdnoprinsa Håkon Magnusiin. Maiddái stáhtaministtar Erna Solberg ávvudii Sámi álbmotbeaivvi.